الجمعة، 27 مايو 2016

أساسيات المكياج لكل بنت وعروس ... makeup for all prety girls

السلام عليكم والرحمه ..


كيفكم اخباركم يا حلوات ..


اليوم التدوينه عن أساسيات المكياج وكيف تشرين مكياج سواء كنتي مبتدئه أو عروووس وانا بالنسبه لي كل البنات عروسات يعني لازم نشتري الاشياء الكويسه وبنفس الوقت نتحكم في ميزانيتنا

لان مثل ماعارفين المكياج تروح عليه فلووس كثيييره ويصفر الجيب وينشفه بعد  ههههههه ..

قبل لا ابدء في الميك اب وهالشغلات

لازم تجهزين ورقه وقلم وتكتبين انتي اساسا ايش تحتاجين وهل اذا كنتي عروس ومحتاجه شغلات زياده او لا

وقبل هالشيء هذا بعد وهو اهم من اللسته هو  تحديد لونك ونوع بشرتك هل هو دهني او جاف او مختلط
كمان جفنك لو كان دهني ولاجاف ولا عادي مافي مشكله
هل عندك هالات تحت العين او لا؟؟!!!!ا
انتي اساسا ايش تميلين له تحبين اللوك المطفي او الديوي يعني اللي يلمع لمعه صحيه  او مثلا انتي من عشاق البرونز والتسمير وكيذا
تحبين يكون مكياجك لامع بقلتر او تحبين المطفي بدون لمعه
يعني هيك تحددين ذووقك قبل تشرين علشان ما تطيح الاشياء بكبدك وتندمين عليها ...



الأربعاء، 25 مايو 2016

مشترياتي من دبي | ..| Shopping of Dubai



مرحبا صبايا كيفكم انشاء الله تمام ..

من اسبوع زرت دبي وسويت شوبينق صغير وسألت بنات السناب عندي اذا حابين يشوفون مشترياتي والاغلب قال يس ومتحمسين ..
فا حبيت انزل الموضوع عالمدونه علشان اكتب المعلومات كامله من اي محل والسعر وهيك اذا مانسيت :)





الثلاثاء، 24 مايو 2016

Welcome summer | وقت التان والبرونزر بالصيف ~~

هـــــــــاي قيرلز
ولكموووو الصيف ..
يامــــرحبا الساع فيكم كلكم والله ..


الشتاء له فتره من راح وجانا الصيف والشمس الحاره وجا وقت التان والبرونز الطبيعي هههههههه
 وطبعا معروف افضل وقت للتشميس شهر ٥ و ٦ ميلادي ..

طبعا من هالمقدمة ومن أسم الموضوع عرفتوا ايش راح اتكلم عنه وهو التان (البرونز) اللي يسمونه لون التمر هههههه






الأحد، 22 مايو 2016

مشترياتي من موقع إيهرب ٢


السلام عليكم والرحمه 
يا مرحبا فيكم الساع ..

راح انزل لكم مشترياتي من موقع ايهرب و قبلها كنت منزله موضوع كمان عن طلباتي و مشترياتي من نفس الموقع مع شرح طريقة الطلب منه اللي حابه تشوف الموضوع تضغط ( هنا ) ..






سلسلة باليتات ظلال العيون .. باليت لوراك ٢| Lorac - pro palette2


السلام عليكم والرحمه ..

هالتدوينه المفروض زمان تنزل بس عارفين اعذاري ما يحتاج اعيد فيها <<فيس خجلان :)

المهم كان في بنت متحمسه لباليت آيشادو من ماركة لوراك اللي كان أول أصدار وكانت دايم تبي تشتريه بس مترددة كثير
مع أنها تشوف وتقرأ مدح كبير عليه في الآخير آخذت مجموعه من لوراك وفيها كم لون من الاصدار الأول لحد ماتحمست
وقت ما  لورك نفسهم  طلعو اصدار ثاني بعد مانجح لوراك برو باليت الأول :)
وصراحة أجمل شي سووه انهم طلعو باليت ثاني ، من أول ماشفت درجات الباليت وأنا بس أراقبه من بعيد وأتامل درجاته و ألوانه ، الدرجات  جداً جميلة وتعتبر بالنسبة لي رووووعه . واللي شدني له أكثر وجود اللونين اللي فوق البنفسجي والكحلي والزيتي ،  إضافتهم هالالوان بالذات شي بططل. اضافات للباليت حيويه وتغيير عن الباليت الاول ،،



يلا  ندخل بالتفاصيل أكثر 

الأربعاء، 11 مايو 2016

اربن ديكي .. سيفورا .. بينفت .. نيكس .. انجلوت .. ميبيلين .. مكياجي .. منتجات الحواجب استخدمتها ورأيي فيها ..

السلام عليكم والرحمة ..
كيفكم وكيف الاختبارات ادري الكل مشغول ويذاكر بس لا مانع تاخذون بريك صغنن ع موضوعي وبعدها ترجعون تذاكرون :)

المهم مو هذي هروجنا اليوم لا ابد اليوم راح اتكلم عن منتجات حواجب استخدمتها من ماركات مختلفة وراح اكتب رأيي واستخدامي لهم ..


طبعا المنتجات مختلفه اقلام وجل وبودر وهيك يعني ..

راح اكتب انطباعي الشخصي ورأيي انا ومثل ما انتوا عارفين وسامعين هالجمله كثير ممكن الشيء اللي يعجبني ما يعجبك والعكس صحيح ووممكن هالشيء يناسبك ومايناسبني والعكس كمان صحيح ...

وأقصد بهالشيء ان البشرات تختلف من ناحية النوع واللون وكيذا ولازم بكل المنتجات نقيس هالشيء ونبعد عن التسرع في الشرآء اللي مال امه داعي ويطير فلوسنا وجهدنا ويخرب الميزانيه ...

كمان شطحت مره ثانيه عن موضوعي هههههههه مدري وش فيني  صايره اقرقر كثير هالفتره هذي :)

المهم راح ابدء بـأول منتج وهو من:  



المنتج رقم١ هو باليت من سيفورا Sephora



هالمنتج نفس اللي قبله باختلاف اني ممكن ارجع اشتريه ثاني او لا
لا ماراح ارجع اشتريه ثاني مو عيب فيه ابد لا والله بس حسيت فيه مثله كثييييير وهذا سعره حلو ومناسب للجميع اذا مو غلطانه سعره حول ال٧٠ ريال كيذا
ودرجتي فيه نفس الشيء ميديوم ومتوفر منه درجات
الباليت فيه لونين درجة داكنه والثانيه فاتح والثالث كمان شمع شفاف لنفس الغرض للتثبيت بس حسيت شمعهم كريمي اكثر من تبع اربن ديكي 
الدرج اللي تحت كمان فيه ملقط وفرشاة ومشط حواجب وحببببيت مشط الحواجب اكثر شي وكثثثثير استخدمه اول مره يفيدني شيء من هالعينات خخخخخخ

السبت، 7 مايو 2016

السعـــــاده غير مرتبطه بأشخاص في حياتك بل بنفسك ..




السلام عليكم والرحمه..

شحالك اخباركم؟

كيفكم وعلومكم انشاء الله مبسوطين وسعيدين ومرتاحين؟



موضوعي اليوم اعتبره تجربه من حياتي اللي كنت قليلة الخبره فيها وإلى الآن آعتبر نفسي في مقتبل الحياة ..

راح اتكلم عن السعاده اللي كلنا نبحث عنها ونحتاجها بيومنا وكل ايام سنين عمرنا ..





السعاده مفهمومها ومنظورها يختلف من كل شخص وآخر .. كل واحد يشوف السعاده ع حسب ايش ناقصه وايش عنده ويملكه ،،

أنا مثلا كنت اشوف السعاده باشياء مرات تكون ماديه وعينيه قدام عيني اشوفها .. ومرات اشوفها لا ع شكل أشخاص هم المفروض يسعدوني .. بس اكتشفت وقتها لاااا سعادتي بيدي أنا .. ابدا ابدا مو مرتبطه بأشخاص حولي ولاأشياء ماديه ..

تهيئة البشره قبل المكياج ..Prepare the skin for makeup


هلا والله بالصبايا كلهم
كيفكم ان شاء الله كلكم بخير و عافيه ..

كثير تجيني أسئله عن تجهيز وتهيئة البشره قبل الميك آب والمكياج .. وكلنا عارفين ان اذا حابين مكياج جميل ونظيف وشكل صحي ومترطبه ،، لازم تكون البشره متهيئة ونظيفه وصحيه وخاليه من العيوب ..



الجمعة، 6 مايو 2016

DIY تونر طبيعي للوجه.. مزيل مكياج طبيعي .. تجربتي مع موية الورد ..


  السلام عليكم والرحمه ..

كيفكم وكيف أخباركم إنشاء الله تمام ..

التدوينه هالمره جدآ جدآ سهله و بسيطه واتوقع الكل عارف هالشيء ..
يعني راح اختصر كلام كثير ..

تجربتي مع موية الورد من انجح واسهل التجارب اللي سويتها بحياتي هههه  لا جد نتايجها رووعه وغير كذا سهله ومتوفره بكل بيت ..
الصعب بالموضوع هو الاستمرار بس .. ولا اذا استمريتي راح تشوفين كيف كلامي صحيح ..
راح اعلمكم استخدامين لموية الورد 



الاثنين، 2 مايو 2016

روتين العنايه اليومية بأسناني ..Daily dental care routine


السلام عليكم والرحمه

يمسيكم | يصبحكم بالخير والمسرات ..

كيفكم اخباركم انشاء الله طبين وبخير وعافيه ..

هالفتره النشاط فيني زايد وكتبت تدوينات  ورتبت البلانر حقي وحققت اشياء كثيره شكلها الغدة الكظرية و هرمون الكورتيزون  زايد عندي ع هالنشاط  وصايره مبسوطه ورايقه ربي يدوم هالحال اطول فترة ممكنه ..

المهم موضوعي اليوم عن روتيني في العناية باسناني ..




أول حاجه بكتبها وبذكرها لكم من البدايه ترا اسناني مو فص لولو ولا البياض الناصع لااااا فيها اصفرار شوي بس مو الاصفرار اليي يلوع الكبد لا عادي جدا نفس الناس الطبيعيه .. والترتيب مرتبين مو مكركبين بس يحتاجون برد وتضبيط وحاجات بسيطه  ... اجريت عملية خلع اسنان العقل وشوي صار عندي تخلخل بسسسيط جدا مو ملحوظ بس انا انتبهت فيه ومأثر علي ..  وعندي سن بتلبيسة وعندي حشوه وحده   علشان اللي يعرفوني لا يقولون من بياض اسنانها كاتبه هالموضوع ولا تتفلسف علينا !!!