السعـــــاده غير مرتبطه بأشخاص في حياتك بل بنفسك ..

السلام عليكم والرحمه..

شحالك اخباركم؟

كيفكم وعلومكم انشاء الله مبسوطين وسعيدين ومرتاحين؟

موضوعي اليوم اعتبره تجربه من حياتي اللي كنت قليلة الخبره فيها وإلى الآن آعتبر نفسي في مقتبل الحياة ..

راح اتكلم عن السعاده اللي كلنا نبحث عنها ونحتاجها بيومنا وكل ايام سنين عمرنا ..

السعاده مفهمومها ومنظورها يختلف من كل شخص وآخر .. كل واحد يشوف السعاده ع حسب ايش ناقصه وايش عنده ويملكه ،،

أنا مثلا كنت اشوف السعاده باشياء مرات تكون ماديه وعينيه قدام عيني اشوفها .. ومرات اشوفها لا ع شكل أشخاص هم المفروض يسعدوني .. بس اكتشفت وقتها لاااا سعادتي بيدي أنا .. ابدا ابدا مو مرتبطه بأشخاص حولي ولاأشياء ماديه ..


بس الحياه و التقدم بالعمر و  النضج يغير مفاهيمنا و كل شيء ..

الحمد لله ع نعمة العقل والتفكير قبل كل شيء .. مرات الانسان يمر في ظروف سيئه ويحس بطعم الايام المره والساعات السودا ويبدأ يشوف انه تعيس وأن باقي الناس كلهم سعيدين ..
كذا المخ يعطي اشارات للتعيس هذا :(

فالحقيقه ماهو كذا ابدا .. هالشخص هو اللي تخيل لنفسه وتوهم بهالاشياء لانه ما شاف اللي عنده وماحقق لنفسه اسباب السعاده ..

احيانا يكون الشخص سعيد ومرتاح لكنه يشوف غيره ويبحث عن النقص اللي مو موجود عنه ويبدأ  يبكي و ينحب ويصيح ليه ماعنده هالشيء فإذن  اهووو ابدا مو سعيد ولا مرتاح بدنياه .. لانه جالس يقارن نفسه بغيره ..

ومرات النقص اللي عنده يكون شي جدا تافهه واساسا مو سبب لكنه اختلقه من نفسه مثل طلعة مطعم او وجود اصدقاء او اكل او شرب او مجوهرات او فلوس وغييييييييره كثير ..

طيب كل هذي مقدمه يا ريمووه ؟؟! ولا دخلتي بصلب الموضوع؟؟!

لا بجاوبكم وبقول لكم هذي مقدمه بسيطه بس عبرت فيها عن شيء انا شفته وقد ينقصه كلام كثير بس مو مشكله عدوها لي ّ ..

لا تنتظرين السعاده والفرح يجي من نفسه انتي اصنعيها واخلقيها بنفسك ولنفسك .. يعني أنت تخلقينها أو أنتي تتركينها
عمر السعاده ما ارتبطت بأحد وبشخص معين ،، صحيح الاشخاص عامل من عوامل السعاده فقط هم إضافه ومكمل للسعادة .. لكن لو انعدموا وجود الاشخاص ماراح نموت ولا نحفر لانفسنا قبر وندفن أنفسنا  أو نقفل قوقعه نجلس فيها ..

السعاده بأمور جدا بسيطه جدا جدا لكن اهم شي هي القناعه بالموضوع كله ..

علشان اكون سعيده لازم اكون قنووعه وأرضى بأبسط اآشياء عندي  وحولي  ..

- اخلقي لنفسك سعاده ودلليها بكوب قهوه وقطعة حلى وشمعه وموسيقى رايقه آؤ كتاب تقرأينه ،، صدقيني هذي نوع من انواع السعاده .. كثير  يفتقدون هالاجواء ..







- أنتي كا أنثى وبنت  (متزوجه أو عزباء نفس الشيء) تزيني تمكيجي وتعطري والبسي واكشخي حتى لو بالبيت ولحالك علشان كل مامريتي قدام المرايا تلمحين طيف حلو هندامه جميل .. خلي نيتك للزينه والتجمل لك انتي وبعدها للناس او للزوج ..



- تصفحي الانترنت بصولات وجولات بأشياء مفيده وايجابيه واتركي المواقع اللي فيها هموم ومشاكل ومشاحنات ،،



- اذا بمقدرتك تطلعين لحالك او مع اصدقاء في حال المقدره غيري جو بكوفي شوب او مطعم وخلوها طلعه ترويح للنفس واذا رجعتي استشعري هالشيء وقولي الحمد لله غيرت جوو اليوم وانا اليوم اسعد انسانه ،،



-  مارسي هواياتك وسط زحاااام الدنيا ومسؤولياتك مهما كانت عارفه كثيير بيقولون مافي وقت وتعبانين ودراسه أو مشغولين بين زوج واطفال بس صدقوني كل هذا ما يعووق،،لو  ساعه وحده باليوووم بس لك تكفي ..


- وجود الزوج او عدمه لا تخلين يطغي التفكير فيه صدقوني ماراح يوقف سعادتك مهما كان نكدي او عادي .. أكيد قرأتوا كثير ان الزووج اضافه في الحياه  وليس الحياه كلها...  وفعلاا  من واقع تجربه الزوج سبب سعاده لكنه مو السعاده والهنا كله ..
ولا اللي ما تزوجت وارتبطت تحس انها مو سعيده وان الدنيا خلاص خلصت وتعيش يائسه لا ابدا الحياه ماتوقف ع شريك حياه ابدا كملي مشوارك وانتي مبسووطه ،،

- تفرجي بالتلفزيون ع برنامج او مسلسل تحبينه وهيئي لك المكان رتبيه وعطريه وجهزي لك سناك خفيف وتمددي وقولي هذا كله لي انا لروحي وسعادتها انا ..



- أكتبي يومك وانجازك بدفتر مخصص وارجعي اقرأيه له تاثير مرااااا قوووي عليك راح يحسسك أن فعلا انسانه سعيده ..حتى لو كانت أشياء بسيطه صدقوني لها ثأثير حتى لو غسلتي رتبتي كنستي عادي اكتبي راح تحسين انك سويتي شيء بيومك ..







- بين فتره والثانيه اهدي نفسك هديه لا تنتظرينها من احد لا من زوج ولا اهل ولا هم يحزنون .. لا تبخلين ع نفسك بشيء انتي نفسك فيه اشترريه وغلفيها واهديها نفسك وافتحيها بفرح لان نفسك تستاهل هالشيء ،، حتى ورد اشتريه وخليه قدامك يعطيك انتعاش وتجديد ..



مارسي الرياضه بين فتره وفتره حتى لو ما استمريتي حتى لو ما كنتي دبه او نحيفه لانها تجدد من النفسيه وتمنح نشاط وتخلي الروح كمان رياضيه ..


الحياه فيها كثييييير وكثيير أشياء تسعدنا بس الدور علينا نبحث عنها ونجددها .. الله أنعم علينا نعم لا تعد ولا تحصى ولازم ننبسط فيها ..
أتمنى من كل قلبي ان زوار مدونتي ربي يكتب لهم سعادة تنسيهم أيامهم المره ويرزقني معكم طبعا ماراح انسى نفسي :)
اتمنى عجبكم الموضوع واللي عجبها ياليت تكتب لي رأيها هنا ،،

دمتم بحب وسعادة

معسلامه