تهيئة البشره قبل المكياج ..Prepare the skin for makeup

هلا والله بالصبايا كلهم

كيفكم ان شاء الله كلكم بخير و عافيه ..

كثير تجيني أسئله عن تجهيز وتهيئة البشره قبل الميك آب والمكياج .. وكلنا عارفين ان اذا حابين مكياج جميل ونظيف وشكل صحي ومترطبه ،، لازم تكون البشره متهيئة ونظيفه وصحيه وخاليه من العيوب ..

  في هالتدوينه راح انزل لكم طريقتي أو أبسط الطرق لكم علشان تستفيدون باذن الله .. شيء مهم ثاني لارم اقول لكم عليه هو ماينفع بس تجهزين بشرتك بس لوقت المكياج حاولي تكون عندك عناية اسبوعيه لبشرتك علشان ع طول تكون فرررررررش

يعني اذا عندك حبوب او بقع او جلد ميت او او ... الخ من مشاكل البشره  لازم تهتمين فيها ..

والتهيئه اللي قبل المكياج هذي لحالها مختلفه ..

اولا: لازم تحددون نوع بشرتكم هل هي عاديه أو دهنية جافه او مختلطه ( والمختلطه انواع نوع جاي ع دهني اكثر ونوع ع جاف اكثر )

كمان اذا هي حساسه او لا كل هالاشياء تاخذونها بالحسبان ..

طيب عني انا بشرتي نوعها مختلطة الى دهنيه في مناطق التي زون وجافه بباقي الوجه  لا تهملون تهيئة بشرتكم  للصباح ممكن تختصرون الخطوات بغسول و ترطيب و للمساء او المناسبات تزودون خطوات على حسب وقتكم

انا راح اتكلم عن خطوات اللي قبل المكياج فقط وهذي مختلفه عن العنايه الاسبوعيه وهذي الخطوات تسوينها قبل المكياج ع الاقل بساعتين او اكثر علشان ماتتحسس البشره وماتتهيج ..

١-  تنظيف وتقشير البشرة:

أهم حاجه بالبشره هو تنظيفها وتقشيرها وازالة كل الاوساخ والجلد الميت والدهون المتجمعه علشان البشره تكون نظيفه وطبقة الجلد نقية علشان تمتص أي كريم أو علاج راح تحطينه ..

تنظيف البشرة أما تستخدمين مقشر كويس وتفركين كامل وجهك بحركات دائريه وتغسلينه ومن مفضلاتي انا في المقشرات 

مقشر ستيفز احبه ينظف وجهي كويس ..

مرات استخدم فرشاة يدويه وناعمة من بودي شوب مع غسول من بايوديرما جدا حابه و مرتاحه عليه..

أو تستخدمين جهاز تنظيف البشرة (سونناتا - كلاراسونيك - ساكوارا- فوريو ) أو فرشاة مخصصه للوجه مع غسولك المناسب والمفضل عندك

 أنا استخدم جهاز سوناتا مخصص للوجه مع غسولي المفضل كمان واللي حابه تشوف رأيي عن الجهاز تضغط هنا 

٢- تقشير الشفايف :

طبعا ما ننسى الشفايف لازم نقشرها ونشيل الجلد الجاف والمتشقق  لان مظهرها مع المكياج وهي متشققه جدا مو حلو ومزعج ويأثر ع المكياج كله فا لازم ماننساهم  واكيد كمان الاسنان كمان تكون نظيفه ما يحتاج فيها كلام ..

بالنسبة للتقشير احب استخدم مقشر طبيعي هو( ملعقتين سكر أسمر - زيت زيتون - ملعقة قرفه) وتقشرين شفايفك فيهم لحد ماتحسين صارت ناعمه بس بنفس الوقت لا تجرحينها ..

خلصنا من التقشير تنظيف نجي للمرحله المهمه جدا اللي هي الترطيب وما قبل الترطيب:

٣- المآسكات :

هالخطوة مو مهمه كثييير بس أكيد و الأكيد ان لها تأثير ع بشرتك وحلو لو عندك مناسبة يكون وجهك عن جد مرتوي ومترطب كويس..

انتي وذوقك بالماسكات اذا حابه طبيعي تسوينه بالبيت الخيارات متنووعه جدا وحاولي يكون المآسك مكوناته خفيفه للبشره.. كمان لشفايفك تقدرين توزعين عسل عليهم وتغسلينه مع المآسك ..

أو الماسكات الجاهزه والمتوفره بالمحلات توزعينها وتخلينها ع وجهك فترة معينة وبعدين تغسلينها ..

أو يجيك نوع جاهز مايحتاج غسسيل تحطينه ع وجهك وتشيلينه بعد فتره وهو يعطيك نتيجه حلوه وفوريه وترطيب ..

٤- الترطيب للبشرة :

اذا مالك نية ترطبين بشرتك انسي تسوين الخطوات اللي قبل لان بدون الترطيب ما كأنك سويتي شيء  يقول المثل ( وكأنك يا بو زيد ما غزيت ) الترطيب اهم شغله بالشغل كله لازم نرطب كويس الوجه والشفايف ..
مهما كان نوع البشره حتى لو دهنيه لازم لازم لازم ترطبينها سواء  قبل المكياج  أو  بالايام العاديه ..

طبعا  لكل  نوع بشرة مرطبات تناسبها حالها حال الفاونديشن .. اللي جافه تاخذ كريمات قوامها دهني واللي دهنيه تاخد كريمات خاليه من الدهون وقوامها مائي يعني نسبة المويه فيها اعلي من الدهون ..
 لان اذا فقدت البشرة ترطيبها راح تسبب لك مشاكل بالمكياج منها القشور وتشقق الفاونديشن وتخطيطه او البشره تمتصه ويبقع معاك بمناطق في الوجه وكل هذا بسبب جفاف البشره ..
انا احب استخدم كريم كيو في هو طبي بدون عطور ولا كحول وترطيبه مناسبني ..

 نفس الشيء الشفايف ترطيبها مهم خصوصا بعد التقشير يفضل ترطبينها قبل بربع ساعه اقل حاجه قبل الروج علشان تمتصه
وللشفايف انا جربت مرطبات كثير بس احب استخدم قبل المكياج مرطبات خفيفه علشان مايدبق مكانها  مثل فايتمين E من بودي شوب أو من لابيلو وكمان بيزلين بس مخلص من عندي 

فيه خطوه قبل الترطيب مو مهمه كثير بس يفضل تسونها وهي قبل الترطيب تمسحون ع بشرة الوجه بتونر او تونيك حتى لو موية ورد وهنا حطيت طريقته اضغطي هنا او تونر جاهز وهالخطوه تنعش الوجه وتقبض المسام ،،

وبس هذي تجهيز وتهيئه البشره للمكياج وحطوا في بالكم لازم تكون هالخطوات قبل بفتره للمكياج علشان الوجه يمديه يترطب ويمتص المواد اللي حطيتيها وياخذ راحته علشان ماتكون طبقات كثيره ع الوجه  وتكون النتيجه عكسيه

اتمنى عجبكم الموضوع أفادكم ولقيتوا رد ع تسآؤلاتكم

دمتم في أمان الله وحفظة