سيروم الهالورنيك أسيد من اوز ناتشورال | Hyaluronic Acid of OZ Naturals

السلام عليكم و الرحمة ..

كيف حالكم بنات ..

اليوم راح اتكلم لكم عن تجربتي مع منتج من OZ Naturals

كثير اشتهر بالفترة الاخيرة .. وصار تجابر كثير عليه ..

اللي هو سيروم الهالورنيك أسيد .. Hyaluronic Acid

محتويات المنتج :




المنتج عبارة عن سيروم لزج لبشرة الوجة  والرقبة يحتوي ع الهالورنيك أسيد طبعا هذا حمض يساعد ع تجديد الخلايا.. ماء .. جلسرين  .. الشاي الأخضر.. فيتامين E.. الروز هيب.. فيتامين C
و أن أغلب مكوناته ٩٨٪ طبيعيه ..

طريقة استخدامة :
ع بشرة نظيفة وجافة بعد ماتمسحينها بالتونر  تضعين نقاط من المنتج ويوزع  ع الوجة والرقبة  ولنتائج أفضل يفضل استخدامة مرتين باليوم بالصباح وبالليل .. يومياً ..

كثير يستخدمونه مع الديرما رولر لنتائج أفضل لكن ماجربته معه تجربتي للمنتج لحالة ع الاغلب وبشكل يومي .. واذا كنت رايقة استخدم معاه اداة بودي شوب فكرتها نفس الديرما رولر لكن هذي سيلكون مو ابر زي ماتشوفونها بالصوره  ..

تجربتي معه :
أول شيء تجربتي للمنتج من فترة مو فترة قصيرة لا .. وثاني شيء أنا أستخدمته مره وحده في اليوم فقط نادر استخدمة مرتين لاني ما احس احتاج مرتين لاني ارطب بشرتي دايم .. المنتج ينفع لذوات البشرة المختلطة أكثر شيء زي بشرتي .. يرطب بشكل حلو يعطي امتلاء للبشرة مع الاستخدام المستمر راح تلاحظون يخفف الخطوط الموجودة بشكل حلو بس مو تجون بخطوط عميقة او شيء دايم تقولون ما صلحه!
لازم نعرف انه منتج سطحي مو فيلر او بوتكس لا زي الخطوط بالجبهه او تحت العين مع ان محذرين من استخدامه حول العين ،،
يعطي مرونه للجلد ويعزز الالياف الموةوده اسفل طبقات الجلد 
انا بعد كل شاور اوزعه ع بشرة وجهي كله وامدة ع رقبتي يعطني ترطيب خفيف واذا امتصته البشرة اوزع كريم مرطبي المعتاد وبكذا تكون طريقة استخدامي ..
النتايج اللي شفتها :
اعتبرة منتج ممتاز وبطل وراح استمر ع استخدامة يعطي بشرتي اشراقة وتحسن وكاني شاربة مويه كثير والخطوط خففها لي وصرت استخدمه ع شفايفي علان يكون كأنه فيلر هههه لكن عجبني وجدا جدا جدا ممتاز ..
 

التعليب :
التعليب نوعا ما ممتاز وراقي علبه زجاجيه مع بمب زجاجي كمان   لكن البمب متعب شوي بالاستخدام مايسحب المنتج كويس وخصوصا اذا كان المنتج قريب يخلص يكون متعب ع مايطلع باقي المنتج اما كـ تعليب وشكل ممتاز ويجي بكرتونه محمي علشان ماينكسر ،، ومعاة بروشور فيه محتويات المنتج ومكوناته و طريقة الاستخدام  وبكذا لغة طبعاً الا العربيه هههه ..

كمية المنتج : ٣٠ مل

أماكن توفره : متوفر اونلاين فقط وانا اخذته من خلود اللي هي ستايلي وهذا رابط متجرها ..  stylelie_shop

سعره: حول ١٧٠تقريبا ماعرف بصراحه بكم سعره بموقعهم :)

مدة الصلاحية:  صالح لمدة ١٢ شهر من تاريخ الفتح والاستخدام

مصنوع في كندا ..   الحلوو إن الشركة ماتجرب منتجاتها ع الحيوانات وانها آمنه للاستخدام ،،

وبس هذا تجربتي ،معلوماتي عن المنتج اتمنى انك تستفيدون من التجربة ولو عندكم اي استفسار او سؤال اكتبوه في خانة التعليقات وانشاء الله راح اجاوب عليه  ولو حابين تشتركون في المدونة اضغطوا زر الانضمام الموجود ع يمين الشاشة وبس اشوفكم في تدوينه جديدة انشاء الله ،،

في امان الله ..