Welcome summer | وقت التان والبرونزر بالصيف ~~

هـــــــــاي قيرلز

ولكموووو الصيف ..

يامــــرحبا الساع فيكم كلكم والله ..

الشتاء له فتره من راح وجانا الصيف والشمس الحاره وجا وقت التان والبرونز الطبيعي هههههههه
 وطبعا معروف افضل وقت للتشميس شهر ٥ و ٦ ميلادي ..

طبعا من هالمقدمة ومن أسم الموضوع عرفتوا ايش راح اتكلم عنه وهو التان (البرونز) اللي يسمونه لون التمر هههههه

أنا سبق وتكلمت عن موضوع التان والبرونز بموضوع من فتره اذا حابة تطلون عليه اضغطي هنا 

موضوعي كان مختصر جدا عن منتجين تقريبا استخدمتهم لكن هالمره راح افصل معاكم مضبوط وايش تحتاجين وشنو المنتجات اللي استخدمتها هالصيف ..

وبنات السناب كالعادة شاركوني التجربه وشافوا بدايات النتايج ودي صراحه احط لكم صور هنا بس ماش ما ينفع انزلها هووون 

- أول حاجه راح اذكرها وذكرتها سابقا بموضوعي وهي ايش معنى التان وايش هو انواعه؟

التان أو البرونزر أو البرونزاج أو التسمير هو تغيير لون الجلد لدرجات أغمق ويتم عن طريق تفاعل الجلد مع المحيط اللي حوله بمساعدة كريمات أو زيوت ..

ـ طيب إيش أنواعه ؟

سبق وذكرت كمان انه نوعين الأول: السن تان << يحتاج شمس ومجهود والنتايج وقت اطوول

الثاني:  سيلف تان << تان ذاتي بدون شمس ولا مجهود مثل منتج بخاخ من سيفورا وفيه كثير شركات وفرت نفس هالنوع وباشكال مختلفه ..

- طيب كيف طريقة النوع الأول اللي هي السن تان ؟ وشنو نحتاج ؟

طيب بالنوعين راح نحتاج جسم نظيف مقشر من الجلد الميت ونظيف من الشعر الزايد علشان يمسك اللون صح ويكون الشكل حلو والنتيجه اسرع ..

يعني ضروري تقشرين جسمك بسكراب ولا راح يبقع الجسم بالوان غامقه وشيء فاتح

بعد مايكون الجسم جاهز أكيد نحتاج مكان مشمس بس انتبهوا وقت التشميس شرط ماتكون الشمس عاموديه عليكم

يعني مو وقت الظهر ابدا ابدا ابدا لان هالوقت تكون الشمس في أشد حرارتها وهذا الشي مانحتاجه ابدا لانه ممكن تسبب حرووق بالجسم وغير كذا الاشعه تكون ضاره ..

الوقت المستحسن التشمس فيه هو فترتين : من ٧ الصباح الى ١٠ الضحى

ومن الساعه ٣ ونص او اربعه العصر الى وقت الغروب ..

مدة التشمس تحت الشمس:  ساعه هيك الي ٥٠ دقيقه هيك وكلما طولتي راح تكون النتيجه افضل لكن بالبدايه مانزيد عن الساعه  ..ويعتمد ع لونك الاساسي مثلا اللي بيضا مرااا تحتاج وقت اطول من الحنطية والسمرا ..

- طيب السن تان فيه منه آنواع كمان ولازم ننتبه لها :

نوع يجي معاه حمايه من الشمس وهذا يكفي ومريح ..

ونوع مافيه حمايه نحتاج نجيب معانا كريم حماية ونخلطه مع السن تان ونوزعه  بس نخلي بالنا ان الحمايه ماتكون مرتفعه جدا يعني كاحد آقصى ٣٥ هيك لان اذا كانت الحمايه عاليه بتكون نسبة التسمير اقل وكلما كانت منخفضة تكون أعلى
أو تاخذين كريم الحمايه لحاله وتدهنين جسمك كله قبل تطلعين للشمس بنص ساعه كذا

طيب نكون لابسين ملابس تكشف الاماكن الي حابين تتسمر ونوزع الكريم ع كامل الجسم بطريقة متساويه الاكواع والركب اذا كانت غامقه يفضل نبتعد عنها شويات او نمسح مسحات خفيفه عليها علشان ماتكون اغمق اكثر ..

ونتسطح عند الشمس وكل شوي نغير من وضعية جلوسنا علشان نتشمس صح بين فتره وفتره نرش الجسم بموية بارده نخفف من الحراره عليه ومايفقد الرطوبه واذا احتجنا كريم نزيد ونعيد عليه ..

الشيء المهم كمان لازم نخلي جنبنا مشروب او اعصير أو حتى لو كاسة مويه بارده ونشرب فيها كل شوي كمان علشان الجسم ورطوبته  وبهالوقت لا تنسين نفسك دلليها وخذي كتاب تسلي فيه  او مخدة تنامين شويات أو أشغلي نفسك بأي حاجة تحبينها علشان ماتملين ..

طيب في حاجة كمان حابه اذكرها الي هي الشعر يابنات وقت التشميس الشعر يتأثر جدا بالحراره ويبهت ويجف فا لازم ماننساه لان الشمس تقضي عليه والحل هو يا نغطيه باسكارف او قبعه  وهذا اسهل الحلول واقتصاديه جدا او الحل الثاني زيوت وفيه كريمات واقيه من الشمس مخصصه للشعر توزعينه علشان الشعر يحتفظ برطوبته ولمعانه ..
وكمان الشفايف لا تنسون ترطيبها ويفضل المرطب يكون فيه نسبة حمايه علشان ماتسود وتجف ..

 هذا من بودي شوب ترطيبه حلو وفيه نسبة حمايه ١٥

الوجة عادة الوجة اول جزء يتاثر بالحراره والشمس ويغمق بسسسرعه الحل يا انك ماتسوين له تان وتتحكمين بلونه بالمكياج البرونزي او  تسوين له وتشوفين النتيجه اللي تصير .. العين وقت الشميس ومنطقة تحت العين انتبهوا لها ويفضل تلبسون نظاره شمسيه لحماية هالمنطقه ..

معلومه مهمه كمان: تأكدي تماما أنك اذا سويتي تسمير راح تتغير درجتك بكريمات الاساس والفاونديشن وتحتاجين درجات جديده علشان تناسب لونك الجديد يعني خذي هالامر بالحسبان ..

نصايح و عيوب ومميزات  التمسير أو التان :

- من عيوبه يوضح البقع الموجودة بالجسم اذا كانت افتح من الجسم مثل الخطوط او الشقوق بالجلد

- من مميزاته يعطيك عمر اصغر وشباب يافع 

- من عيوبه كمان تلتزمين في امور بالمكياج فيه 

- من مميزاته يعطيك شكل انحف شويات

- من اغلاط التان انك ماتسوين سكراب لجسمك قبل.. يعني الجسمم لازم يكون نظيف لانه بكذا بيطلع مبقع 

- ولازم تكون السنفره قبل عملية التان بيوم غلط يكون قبلها مباشرة 

- الساعات اللي بتتعرضين فيها للشمس لازم تكون مضبوطه وماتتعدى الثلاث ايام  لان اي زياده ممكن تسبب لك اضرار بالجلد ..

- كريم الواقي من الشمس مهم جداً اذا كريمنا او زيوتنا مافيها واقي نفس تبع نيفيا .. هالنوع مافيه نسبة حمايه ..

النوع الثاني اللي استخدمته يجي معاه نسبة حمايه وتختلف عن الثاني اللي ع اليمين نسبة الجمايه فيه ٣٠ واللي ع اليسار ١٥  ،، هالمنتج فيه نسبة ترطيب وزيوت بس كمان نحرص نرطب أكثر ..

- عشان يكون اللون صحي لازم الترطيب العميق قبل ماتتعرضين للشمس او استخدام الزيوت ..

- انتبهي تحلقي شعر جسمك بعد التان لان البشره راح تتحسس منها سواء حلاوه او موس او اي شي قاسي على البشره

هذا اللي جا عبالي  طبعا وانتم من تجاربكم راح تعرفون مميزاته من عيوبه وتتفادونها بالمرات الجايه ..

حلو وقت الميك آب تستخدمين كريمات برونزيه فيها قلوو (لمعه) علشان يبرز لك اللون وما يكون لون جسمك أملح (مشهب) ههه راح انزل لكم منتجات جربتها من باث اند بودي وركس هي كريمات للجسم لكنها لونها برونز وفيها شيمر او قلوو ( لمعه) خططيره مع التان بس مدري هي متواجده ع طول عندهم او لا لاني اخذتهم وقت الصيف من العام الماضي من كولكشن هاواي

وبس والله وصلتوا لنهاية الموضوع اتمنى اني كفيت ووفيت فيه وجاوب ع تسآؤلاتكم ،،
حاولت اغطي الموضوع كله وهذي المنتجات اللي استخدمها شخصيا وانشاء الله اذا جربت شيء جديد راح اخبركم عنه اكيد بتدوينات جديده ..
اتمنى عجبكم الموضوع وواضح الشرح وسهل واللي عندها سؤال او تعليق تكتبه في خانة التعليقات ..
واتمنى لكم صيف وتان ممتع وجميييل مثلكم
دمتم في أمان الله وحفظه ..