مشترياتي من موقع إيهرب ٢

السلام عليكم والرحمه 

يا مرحبا فيكم الساع ..

راح انزل لكم مشترياتي من موقع ايهرب و قبلها كنت منزله موضوع كمان عن طلباتي و مشترياتي من نفس الموقع مع شرح طريقة الطلب منه اللي حابه تشوف الموضوع تضغط ( هنا ) ..

ماراح اطول عليكم راح ندخل بالموضوع طوالي :

  أول حاجه طلبتها زيت جوز الهند العضوي هالزيت ابدا ابدا ما استغني عنه بتاتا سواء للشعر او للبشرة
رهييب احبه بشكل كنت استخدم من شركه ثانيه بس هالمره غيرت وأخذت هالشركه

بس انشاء الله راح تكون اول واخر مره لان سمعت من بلوقر هيا البلوي ان هالشركه تدعم اسرائيل فما حبيت هالشيء ابدا وراح ارجع للشركه السابقه افضل ..

أخذت حبوب ماكسي هير Maxi-Hair كمان شفت وسمعت المدح عليه كببير وكثير استخدموه وشافو النتايج جميله تحمست وقلت اجربه بعد ما خلصت خمس شهور حبوب بيورارين قلت اغير واخذ هذا
مع ان انطباعي الاول عنه لسى ماجربته فيه ريحه ماعجبتني :(
ويكفي ثلاث شهور اذا كل يوم حبه لانه فيه ١٢٠ حبه ..
واذا خلصت منه راح اكتب لكم عنه باذن الله ..

 تونر الورد هذا عليه تقييم عالي سواء بالموقع أو عند البلوقر وكثير حابينه ويستخدمونه
مع اني انا استخدم موية الورد ومرتاحه عليه بس قلت اجربه ليش لا ونشوف اذا هو قد المدح اللي عليه او لا !!
من فوايدة يشيل المكياج وينظف البشره ويقبض المسامات 
وغير هيك خالي من الكحووول ..

الطين المغربي قناع ع شكل بودر نضيف له مويه او موية ورد ويتوزع ع الوجه
وكمان هذا عليه تقييم عالي وكثير يمدحونه ينظف البشره بعمق وينظف المسامات كويس لكنه يحتاج ترطيب كوويس بعده لانه يشد ويجفف البشره ..

كمان طلبت فرشاة من ريل تكنيك وهذي للبودر وللبلشر حبيت قصتها وشعرها الناعم وكلم عارفين جودة فرش ريل تكنيك
حبيتها للبودر الوجه او البرونز اذا بوزعه ع وجهي كامل وحلوه للدمج كوووويس وتشيل الزايد من البودره اذا وزعنيه ع الوجه ،،

الكل او اغلبكم جرب فرش ريل تكنيك وعارفين شقد حلوين وجودتهم عاليه مقابل سعرهم الرخيص عندي منهم مجموعات وفرش مفردة وحبيت اجرب هذي لان شفت بلوقر كثير يستخدمونها وفعلا قد المدح لان من استلمتها ع طول استخدمتها

حبيتها جدا ..

طبعا كلكم عارفين ان ريل تكنيك غيرت وطورت من الباكجينغ لمنتجاتهم ولاوان الفرش هذي الجديده وكمات التعليب تغير عن قبل .. لكن الجودة نفسها هي ماتغيرت ..

واخيرا واخر هذي هديه كتكوته من موقع ايهرب مقاييس او مكاييل معياريه بلاستيك حبيت هداياهم اللطيفه ..
وبس هذي اللي طلبته من الموقع طلب بسيط ولطيف وخفيف ..
وكلفني هالطلب كله حول ٢٥٠ تقريبا مع الشحن ..
وصلني خلال اسبوع ع الدي اتش ال واستلمته منهم ..

راح اكرر تجربتي كثير مع موقع ايهرب واللي حابه اي سؤال آو مساعده لا تتردد ..

في أمان الله وحفظه ..