السلام عليكم والرحمه ..
هالتدوينه المفروض زمان تنزل بس عارفين اعذاري ما يحتاج اعيد فيها <<فيس خجلان :)
المهم كان في بنت متحمسه لباليت آيشادو من ماركة لوراك اللي كان أول أصدار وكانت دايم تبي تشتريه بس مترددة كثير
مع أنها تشوف وتقرأ مدح كبير عليه في الآخير آخذت مجموعه من لوراك وفيها كم لون من الاصدار الأول لحد ماتحمست
وقت ما لورك نفسهم طلعو اصدار ثاني بعد مانجح لوراك برو باليت الأول :)
وصراحة أجمل شي سووه انهم طلعو باليت ثاني ، من أول ماشفت درجات الباليت وأنا بس أراقبه من بعيد وأتامل درجاته و ألوانه ، الدرجات جداً جميلة وتعتبر بالنسبة لي رووووعه . واللي شدني له أكثر وجود اللونين اللي فوق البنفسجي والكحلي والزيتي ، إضافتهم هالالوان بالذات شي بططل. اضافات للباليت حيويه وتغيير عن الباليت الاول ،،
يلا ندخل بالتفاصيل أكثر
شكل الباليت و مميزاته وسلبياته:
الآصدار الأول والثاني نفس التصميم والشكل والنحف ولكن يختلفون باللون، لوراك بروالاول لونه أسود ولوراك بروالثاني لونه رصاصي ..
أكثر شي أعجبني أن الباليت نحييييف جدا وخفيف ..
- ينفع للسفر وبقوه لانه ماراح ياخذ مساحه كبيره وكمان من ناحيه تصميمه وتعدد الوانه ,
-من عيوبه ان الكرتونه للباليت تتوسخ بسرعه من الايشادو وصعب تنظيفه ويتمخشخ الكرتون ويصير شكله بايخ مع الوقت
- الباليت عبارة مثل ماقلت سابقا عن كرتون مقوى مغلف بغلاف ..
- فيه مراية ع حجم الباليت تقريبا ..
نجي نتكلم عن الدرجات من اليسار لليمين
الصف الأول : الدرجات المات (المطفية) :
Buff: بيج، أستخدمه لتثبيت البرايمر على كامل الجفن عشان يسهل علي الدمج أو إضائه لتحت الحاجب ..
Lt.Brown: لونه مثل الكراميل، جداً جمميل ويعتبر من أجمل الدرجات اللي تستخدم كالون انتقالي وللدمج
Cool Gray رصاصي على لمحة موف،. أحب الدرجة هذي وكمان تنفع لون انتقالي يساعد في دمج الالوان الداكنه ..
Nectar: أجممممل درجة بالباليت كله، لونه نيود على لحمي ع نتفة بنك ،، جداً جميل وهذي كمان تنفع انتقالي او للجفن المتحرك اذا حابه لون خفيف ناعم ..
Plum: بنفسجي،لونه جميل. هالدرجة تنفع لكامل الجفت المتحرك للي يحبون هاللون لانه يعطي رونق لنظرة العين أو كمان لتغميق زواية العين اللي يسمونه كت كريس ..
Navy: كحلي غامق حبييييييته، وممكن استخدامه نفس اللون اللي جنبه بس فيه عيب واحد يتاثر شويات ..
Charcoal: رصاصي غامق حلو للوك السموكي يدمج الالوان كوويسه وخصوصا لطرف العين ..
Black: أسود لكن سوادة مو فاحم كثيييييير بس مو بطال ..
الصف الثاني : الدرجات الشيمر ( اللمعة) :
Snow: أبيض،وكثييير قالوا يشبه إضاءة نايلون من ماك بس صراحه انا ماجربت حقت ماك .. ينفع اضائه لمدمع العين او تحت الحاجب ..
Beige: بيج كمان ينفع إضائه او أستعمله بعض الأحيان على الجفن المتحرك في وسط الجفن ..
Rose: لونه دافي على بيج اللعمة اللي فيه لونها ذهبي ونحاسي معطية اللون جمال، أستعمله للجفن المتحرك
Mocha: بني على شوية ذهبي خفيف فيه لمعة باللون النحاسي والزهر ، أستعمله للجفن المتحرك
Chrom:رصاصي غامق، أستعمله للجفن المتحرك أحسه يناسب المناسبات الكبيرة ولوك جريء
Silver: رصاصي أو فضي ، كمان يناسب المناسبات بسبب لمعته ويبغاله لوك كامل ..
Jade: زيتي فيه لمعة باللون الذهبي معطية اللون جمال لايقاوم، أستعمله للجفن المتحرك، ينفع للمناسبات و للطلعات الكبيرة ،، هاللون عششق مو طبيعي لكن فيه عيب يتناثر شويات ..
Cocoa: بني بلمحه بنفسجيه وفيه إضاءة باللون النحاسي، جداً جميل اللون لكن كمان يتناثر اللون ..
هذي صورة لسواتش من النت :
جودة الشدوات :
- اولا ملمس الشدوات كريمي وناعم جدا وسهل بالدمج وخصوصا اللي مبتدئه ..
- في الوان تتناثر وخصوا اللون الكحلي والزيتي لكن هذا مو عيب كبير اغلب الشدوات كيذا والحل اما نبني اللون طبقات او بفكس بلس او بمويه ويصير اللون اوكي وثابت ..
- الباليت فيه تنوع بالالوان من ناحية اللمعه والمطفي وكمان من ناحية استخدامه للوكات صباحيه او لوكات سهرات ومناسبات ..
- ثباتها كووووويس و تدوم لوقت حلووو واذا حابين تبقى وقت أطول أكيد البرايمر هو الحل وهذا الاصدار يجي معاه علبة صغيره برايمر لكن نسيت ماصورتها وهذي صوره له من النت كمان ،،
- سعره بموقعهم : ٤٢ دولار = ١٥٩ ريال واعتبره أرخص الباليتات بالنسبة لجووووته العاليه ..
- أماكن الشراء: موقع بيوتي دوت كوم.. نوردستروم .. موقعهم الاصلي لكن مايوصل الى السعوديه وتحتاجون بريد امريكي
وبس واللهي حاولت اغطي اغلب الاشياء اتمنى تستفيدون من التدوينه وتنال اعجابكم ،،
في حال اعجبتكم لا تنسون تشتركون بمدونتي وتشاركون التدوينات مع احبابكم ..
وأي سؤال او ملاحظه اكتبوها بالتعليقات وانشاء الله راح ارد عليكم ..
دمتم في امان الله
ليست هناك تعليقات:
إرسال تعليق