رتبي يومك ونظفي مكانك وحددي أولوياتك .. وعيشي حياه جميله ومرتبه ..

بسم الله الرحمن الرحيم

 السلام عليكم والرحمه

حياكم الله اخواتي وحبيباتي ..
  اسعد الله قلوبكم بكل ماتحبونه وتتمنونه ..

 
  جيت لكم بموضوع جديد هذه المرة يتعلق الموضوع عن البيت وترتيبه

لان كنت كثير اعاني بهالشيء وخصوصا عندي طفلين طول اليوم يحوسون وانا عندي دراستي وبيت وزوج وهواياتي وووووو وكثير اشياء تطلب مني وتبي احتياجات..

فا حياه الفوضى والعشوائيه ابدا مو مريحه واصلا ما يكون الشغل اللي انجزتيه واضح وسط الفوضى

فا خلينا نرتب يومنا وننجز مهامنا واحتا مرتاحين ومبسوطين ونترك عنا الكسل والخمووووول

روتيني في غسيل الفرش وطريقة المحافظه عليها

السلام عليكم والرحمه ..

شحالكم  ايش مسوين ؟؟

قبل هالبوست سويت لكم ريفيو عن رايي في فرش ريل تكنيك اذا حابين طلوا عليه هنا 

واليوم بكتب لكم عن طريقتي في تنظيف الفرش وتعقيمها وطريقة المحافظه عليها ..

كلنا نعرف ان لازم تكون الفرش المستخدمه للوجه او العيون تكون نظيفه وخاليه من الغبار والبكتيريا لانها تسبب لنا نتائج سلبيه

منها التهاب بالبشره او حبوب وبثور  وحكه وتهيج بالوجه او العين وغير كذا كثير ..

فا مهم ان المواد اللي نستخدمها نظيفه وبين فتره وفتره ننظفها ونعقمها بشرتنا اهم من بس نهتم بالمكياج وغيره ..

فا عندي طرق لتنظيف الفرش واخترت اسهل الطرق علشان تكون متوفره لكل بنت وماتحاتي ان المواد مو متوفره عندها او تكون غاليه عليها ..

لكن بنفس الوقت تكون طريقه صحيحه ونظيفه وماتخرب الفرش

ماراح اطول بالكلام اكثر من كذا راح ادخل بالطريقه ع طوول وانتوا اذا عندكم اي سؤال ابشروا اكيد راح ارد عليكم

مجموعاتي من فرش ريل تكنيك

السلام عليكم والرحمه

كيفكم  شخباركم؟؟

بما اني صارت عندي كفايه من مجموعة فرش ريل تكنيك حبيت اتكلم عنهم وكمان لاني اخذت وقتي في استخدامهم علشان اعطيها حق تقييمها وجودتها وغيره ..

وكثير بنات يسئلون عن فرش جودتها كويسه وسعرها في منتاول الجميع وشفت انها انسب شي للمبدئات والمحترفات كمان

مشترياتي للعيد الفطر ٢٠١٥ - ١٤٣٦هـ - الجزء الاول ..

السلام عليكم والرحمه

وعيدكم مبارك وكل عام وانتم بخير قبل الكل ..

وها رمضان بدأ يلملم ايامه الاخيره ربي يعوده علينا وع المسلمين بالصحه والعافيه ولا فاقدين ولا مفقودين ..

وقربت أيام العيد الفطر المبارك عساكم من عواده ..

البوست اليوم مثل ما وعدتكم مشترياتي للعيد وبيكون هذا الجزء الاول  بيكون مشتريات متفرقه ملابس شوز عطر وكذا و 

الجزء الثاني راح انزله هاليومين وبيكون عن المكياج للعيد ومتفرقات مثل عباياتي وغيره مثل تجهيز البشره والجسم ليلة العيد 

آفضل برايمرات أستخدمتها للوجه والعيون ..

السلام عليكم والرحمه ..

كيفكم انشاء الله طيبين ومبسوطين ..

كالعاده بنزل موضوعي اللي مدري انتم تشوفونه ولا بس انا انزله لنفسي؟؟!! هههههه

انا طايحه بالتدوين هالفتره يوم الناس هجت عن المدونات

المهم بدخل بموضوعي دوغري لا عن اكثر بربره عليكم

وهو عن برايمرات استخدمتها وعجبتني وراح يكون ترتيبها حسب اعجبابي لهم من الاعلى الي الاقل ..

وهذي صور جماعيه للحلوين :)

وراح ابتدي بمنتجات الوجه اول وبعدها للعين

وطبعا قبل ادخل واسهب بالكلام البرايمرات هي وسيله مؤقته لحل مشاكل بالبشره يعني ماينفع نستخدمها كل يوم

لان لها اضرار جانبيه وقد تكون قويه ع البشره من حبوب وافراز دهون وما الى ذلك <<< متعوب عليها :)

قطرة إنجلوت .. الحل السحري

السلام عليكم والرحمه\
من فتره تكلمت عن القطره في الانستا وحبيت اكتبها هنا كمان افضل

وراح اكتب لكم بشكل مفصل اكثر

هذآ المنتج مسميته السحـــــر !
استخدآمها الاساسي انها تحول آي منتج بودره الى كريمي .. !!
تقوي لون آي شــــآدو .. تخليه اوضح وثابت ..
قوآمها ثقيل زي الجل .. ومعلبه كـ قطره يعني تضغطين من فوق ..

سموثي التوت بحليب جوز الهند..

هلا والله فيكم كلكم .. نفر نفر ..

اليوم وصفتنا لمشروب ابرد والاهم من كذا صحي من الدرجه الاولى ونكهه لذيذه
طبعا مافيه سكر وكل مكوناته فرش وطازجه

يعني ينفع للكل انشاء الله وممكن الاستغناء عن العسل لو مثلا بعيد الشر عن الجميع  بتقدمونه لمرضى السكري ..