السلام عليكم والرحمه ..
كيفكم انشاء الله طيبين ومبسوطين ..
كالعاده بنزل موضوعي اللي مدري انتم تشوفونه ولا بس انا انزله لنفسي؟؟!! هههههه
انا طايحه بالتدوين هالفتره يوم الناس هجت عن المدونات
المهم بدخل بموضوعي دوغري لا عن اكثر بربره عليكم
وهو عن برايمرات استخدمتها وعجبتني وراح يكون ترتيبها حسب اعجبابي لهم من الاعلى الي الاقل ..
وهذي صور جماعيه للحلوين :)
وراح ابتدي بمنتجات الوجه اول وبعدها للعين
وطبعا قبل ادخل واسهب بالكلام البرايمرات هي وسيله مؤقته لحل مشاكل بالبشره يعني ماينفع نستخدمها كل يوم
لان لها اضرار جانبيه وقد تكون قويه ع البشره من حبوب وافراز دهون وما الى ذلك <<< متعوب عليها :)
أول واحد عجبني وصار بالمقدمه وهو برايمر من مايبلين أسمه بيبي سكن baby skin
قوامه جل بالحيل وشفاف ماله لون
نجي لآليه العمل حقه انه يعبي المسامات الواسعه ويقبضها ويمنع من افراز الدهون في الوجه يعني باي باي لمعه ودهن ويثبت المكياج لوقت اطول ومايخليه يتزحزح يعطي لمسه مخمليه للوجه
انا حبيته حيييل وحطيته بالمقدمه لان صحيح شفت شغله كوووويس وسعره بطل في منتاول الجميع حوول ٦٠ او ٥٠ او ٧٠ ريال
ع انه قوووي ال ان اكثرت استخدامه راح يضر بشرتك لانك بتمنعين الدهن يطلع فا ممكن يسبب لك حبوب وتهيج بالبشره فا لازم مثل ماقلت يكون استخدامه في المناسبات فقط وفقط
علبه كيوت وجميله وخفيفه الوزن ونقطه منه تكفي لكامل الوجه
باختصار اعطيه ٩\ ١٠
ثاني واحد وهو برايمر من بنفت وهذا اشهر من نار ع علم
اخذ ضجه وصيحه ولويه كبيره
اعتبره بالمركز الثاني بعد بيبي سكن وشغله نفس بيبي سكن بس اعتبره اقل ينعم البشره ويهيئها للمكياج ويسكر المسامات الواسعه وممكن اول ماتحطونه يصير تهيج بسيط بس هذا عادي ومو الكل يصير له هالشيء
فيه لون خفيف لونه بيج وجدا جدا قوامه خفيف اخف بمراحل من حق مابيلين
وهذا ينفع ينحط لحاله بدون فاونديشن له يعطي لوك مصحصح او مرتب للوجه
ومتوفر بسيفورا او وجوووه وسعره حول ١٧٠ هيك يعني اعتبره من غالي بس ما يمنع نجربه وممكن اشتريه ثاني
العلبه كيوووتيه ونعومه ونحيفه وابدا ماتاخذ حيز بالسنطه لو اخذتيها
اعطيه تقيمي ٦\١٠
الثالث هذا انا استخدمه كذا استخدام مو بس كا برايمر
هذا من سيفورا نفسهم
وسعره حول ٧٠ رياال متوفره بس في فروعهم
وفيه منه الوان
برونز نفس هذا
وفيه شفاف بدون لون
وفيه لمعه ورديه
هالبرايمر شغله نفس اللي قبل بس هم اعطيه اقل من الباقي وينفع بقوه تحطينه بدون شي لانه فيه قلو ولمعه برونزيه
اما الشفاف حطيه اذا مو حابه لون ع البشره
الاستخدام الثاني له وهو كالمعه ممكن احطها ع عظمة الخد
وايضا ممكن تخلطينها مع كريم اساس علشان يعطيك لوك لامع اللي هو ديوي لوك
علبته نتوفه بس تكفي لكنك بتستخدمين كمية بسيطه منه
انصح فيه ولا لا طبعا انصح فيه وممكن اشتري منه كذا مرااا
تقيمي له ٦\١٠
نيجي للبرايمرات العيون
طبعا شغلها نفس الوجه
بس هذي تثبت وتقوي لون الشادو وتنعم بسره الجفن وماتخليه يجعد او يتكتل الشادو في الكررريس
كمان تمنع الدهون للي جفنها دهني
اللي عندها باليت باهت وطايح بتسبدها ممكن يثبته ويوضحه لها البرايمر
ونستخدم شي بسيط للعين علشان مانعدم الدنيا
وننتظره يجف هيك ممكن خمس دقايق وبعدين نشتغل بالشادو
الاول من توفيسد
هذا الحجم الميني لان جا مع مجموعه انا اخذتها في موضوع سابق تكلمت عنها طلوا عليه لو حابين
لونه بيج فاتح حلوو جدا حبيته من اول نظره
وصحيح يثبت ويوضح اللون وبطلت جفني تدهن ويظل الشادو اطول وقت ممكن
تحصلونه بسيفورا
سعره ماعرف بالضبط بس فوق الميه وشوي للفل سايز
علبته حدها فكتوري ونايس ويكفيك مده طوووووويله
الثاني من اربن ديكاي
كان بالمركز الاول عندي بس مدري ليش خليته الثاني يمكن لان ماكان عندي الا اهو للعين هههههههههههه
المهم قوامه كريمي خفيف لونه بيج
يجي منه انواع والوان وللبشرات مختلفه
فيه منه ذهبي والموف وكذا لون ناسيه صراحه بس حلو ويستحق التجربه
اول ماتحطينه تحسين جفنك دهن بس بعد ماتتشربه البشره لا يكون ناعم وسمووووث
سره حول ال١٠٠
تلقونه بسيفورا
وبس هذا موضوعي عن هالحلوين
طبعا ذكرت كثير فوق ان للبرايمرات مساوئ مثل مالها مميزات
نحاول نقلل منها حفاظا ع بشرتنا
نخليه لمناسبه كبيره ونعرف ان جو المناسبه ووقتها ماراح يخلي المكياج فررررش فا هذي البرايمرات هي الحل للازمات
اتمنى موضوعي نال ع رضاكم واعجبكم لا تنسون تدعموني بكومنتاتكم و اي استفسار وسؤال انا حاضره
هذا انستقرامي
@reemooh_beauty
ومع السلامه واشوفكم بموضوع ثاني جديد ومفيد
باي
ليست هناك تعليقات:
إرسال تعليق