غسول الوجة من غارنيية skin active - Micellar cleansing gel wash

السلام عليكم والرحمة ..

الريفيو بيكون بسيط وسريع عن منتج جميل واعتبره جبار .. هو منتج من غارنييه أصدروه بالفتره الأخيرة .. يعني يعتبر جديد ..

هو غسول الوجة skin active  من مجموعة ولاين ازالة المكياج : Micellar cleansing gel wash

غسول ميسيلار ومنظف للوجة ..

غارنيه بالفتره الاخيره اصدرت ماء ميسيلار مزيل للمكياج واحد بالزيت الارجان والثاني بدون زيت والمنتجين حلوين عن تجربة شخصية .. كتبت تدوينه عن ماء الميسيلار بالزيت يمكنكم الاطلاع عليها بالضغط هنا

 

 بعدها بفتره أنتجت هذا المنتج اللي من نفس المجموعة لكن هذا غسول ينظف الوجة ويزيل المكياج بنفس الوقت .. وينفع استخدامه لكامل الوجة والعيون والشفايف ..

المنتج خالي من العطور لكن ريحته لطيفة أبد ما سبب لي حساسية أو جفاف .. لكن يحتاج بعده أكيد ترطيب ،،

مكتوب عليه انه مناسب لجميع انواع البشرة حتى الحساسة منهم .. انا بشرتي مختلطة وماشي تمام معي ..

ومن أهم  مكوناته : يحتوي ع بذور العنب والميسيل .. وفيه مضادات الاكسدة ..

قوامة جل شفاف وخفيف و سريع يكو رغوة وخفيف ع البشرة ..

تجربتي معه : اول حاجة جربت الغسول لحاله وكنت استخدم يدي وبشرتي نظيفه كان ممتاز ،، بعدها بفتره صرت استخدم الغسول مع اسفنجة الكونجاك (راح اكتب كمان عنها تدوينه منفصله وراح اترك رابطها هنا )  بشكل يومي صارت بشرتي نظيفه من قلب فـ اعتمدت هذي الحركة يوميا اول ما اصحي من النوم او متى ماحسيت وجهي يحتاج غسول باليوم نفسه ..

التجربة الثانيه معه هو اني جربت اذوب المكياج فيه يعني لو كان بوجهي مكياج بدون ما استخدم اي مزيل ع طول استخدم الغسول وبالفعل اثبت قوته في ازالة المكياج ويترك بشرتي نظيفة ..

الجفاف اللي يسببه بعد الغسول جدا طبيعي حاله حال اي غسول وزي ماذكرت سابقا يحتاج ترطيب بعده ..

بالنهاية اعتبره ممتاز وفي حال خلص من عندي ممكن ارجع أشتريه لانه أثبت فعاليته ..

 

التعليب: نوعا ممتاز العلبة بلاستيك ورأسه ضغاط و فيه قفل علشان ما ينكب المنتج ..

سعره: اظن بـ ١٨- ٢٠ ريال سعودي

حجمة : ٢٠٠ مل اعتبرة إقتصادي ..

صالح لمدة ســ٦ـت شهور من تاريخ الفتح والاستخدام ..

بالنسبة لأماكن توفره بكل مكان راح تلقونه سواء بالصيدليات أو السوبر ماركت الكبيرة ..

اخر شيء أتمنى عجبتكم التدوينه ولو في أي سؤال انا راح اجاوب عليه ..

في أمان الله وحفظة ..