BB Cream From Missha | بيبي كريم من ميشا

السلام عليكم والرحمة

كيفكم بنات انشاء الله تمام ..

اليوم التدوينه راح تكون عن اشهر بيبي كريم ممكن ع وجة الارض ههه والاغلب متفق انه بطل وجميل راح ندخل بالتفاصيل أكثر ..

أول حاجه راح أكتب مميزات أؤ الوعود اللي المفروض يعطينا هيا المنتج :
أول حاجه أنه معالج للبشرة يصفيها من الاثار مع الاستخدام .
يعطي  تغطية عاليه ..
فيه نسبة حماية من الشمس 42 ..
يعالج التجاعيد مع الاستخدام ..
يساعد ع تخفيف المسامات ..

طبعاً هذا مو كلامي كلام الشركة والنتايج اللي لازم نحصلها من المنتج لكن أنا شخصياً ما أؤمن بالمنتجات أو ما أنتظر من منتج تجميلي أي نتيجة واضحه ع البشرة .. لان باعتقادي هذا شيء مؤقت راح ينحط وينشال فـ ما آلاحظ نتيجة ابداً..

المنتج هذا صناعتة كوري و  فيه منه درجات .. لكن عارفين درجات الكريم تميل الى الفاتحه أكثر .. تنوع الدرجات محدود نوعا ما .. الاندرتون يغلب الرمادي والوردي وفيه درجتين فقط الاندرتون أصفر اللي هذي٢٧وهذي اللي عندي اسمها(honey Beige) ودرجة ٣٠ لونها ع برونز .. اما الارقام اللي قبل جدا فاتحه وماا توقع تناسب طبيعة بشراتنا ..

مكوناته :
يحتوي على الماء (اكوا)  و على زيوت معدنية والمكاديميا وزيت بذور وشمع العسل والكافيار وزيت الجوجوبا وزيت إكليل الجبل
 ( الروز ماري)  أكسيد الزنك .. جلسرين  .. كلوريد الصوديوم ..  وفيه معادن كثيرة ..
هل مكوناته حلال؟لا يوجد شهادة أنه حلال هذا المنتج ولكن تم بيع هذا المنتج في الإمارات العربية المتحدة بالاول .. وتم عمل له اختبارات لمكوناته واثبت انه خالي من المواد الغير صالحة للاستخدام .. 

له ريحة خفيفة جداً في البداية ممكن ماتتقبلونها لكنها عادية وراح تتعودون عليها بعدين وماراح تحسون فيها ..

رأيي الشخصي :

المنتج في نهاية تجاربي معاه ممتاز بعد معاناه في طريقة توزيعي له وراح اذكر التجربه بالاسفل ..
يعطي الوجة تصفيه واشراقة لان نهاية المنتج فلولس مو مطفيه يعني بلمعه خفيفه .. كأن بشرتك مرتويه ..
وهالشيء حلو بعد موجة الاساس المطفي .. ينفع للوك صباحي .. تغطيته حلوه لليومي اعتبرها وسط وممكن تغطين أكثر لو بنيتي عليه في بعض المناطق مو كل الوجة .. وحتى بالنسبه لي للمناسبات لاني ماا حتاج الكفر والتغطيه العاليه ..
يسوي للوجة فلتر طبيعي هههه يعني جميل ولونه ششوي تكه غير عن لوني لان اضبطه احيانا بالبودر ..

مشكلتي الوحيدة معه حاليا انه يدهن بسرعه معي لازم برايمر ومانع دهون ولا منطقة التي زون بسرعه تدهن ويخطط شوي فـ لازم اثبته .. مجرد مايدهن معي أحس باحساس الدهن وشوي يضايقني هالشعور .. لكن زي ماقلت استخدم معه برايمر ..
ما تأكسد معي ولا قلب لونه بالعكس زي ماهو .. حسيت ذوات البشرة الجافه ممكن ينبسطون عليه ..  ثباته كحد اقصى خمس ساعات ..

الكريم له شعبيته كبيره والاغلب حبه و مو معناها انه بيرفكت للكل بالعكس في ناس ممكن ماتحبه ابدا لان ببساطه ماراح يناسبها  والاغلب زي ماهو حبه لان ناسبهم وناس بشراتهم والوانهم  .. لكل منتج معارضين ومؤيدين بالطبع  ..

طرق التوزيع اللي أستخدمتها :

طرق التوزيع اللي استخدمتها كثيرة لان زي ماقلت لكم بالبداية ع بشرتي صعب دمجة مدر ي كيف يخطط! ويصير خطوط وممسوح .. كان بشع بشكل ! مو عيب منه! لا قد بشرتي ممكن ماتقبلته بشكل  واحسه صعب المد لدرجة شكيت فيه..
لكن بعد مدة من التجارب معه والفرص الكثيرة عرفت له كيف وصار ينمد ويندمج مع بشرتي كويس ..

بالبداية جربت وزعته باسفنجة ريل تكنيك وهي شبه مبلله لكن التوزيع ماعجبني ..

رجعت وزعته بالاسفنجه وهي جافه لكن نفس النتيجة .. 

ووزعته مع سيروم فيرسالي ممكن يغير قوامه ع بشرتي لكن نفس الحال بالعكس مانفع معي ..

بعدها جربت بفرشاة ريل تكنيك المخصصه للفاونديشن وباءت المحاولة بالفشل ..

جربت فرشاة ريل تكنيك كمان لكن هلامره الفايبر قلت ممكن تكون اخف بالتوزيع بالعكس زاد الامر سوء معي وخطط بشكل خيالي  لدرجة وقتها كرهت الكريم مره وحده ..
وقلت للبنات بالسناب اني ماحبيته والكل استغرب لان الكل ماشي معه صح .. الا انا
وقرر تاعطيه فرصه اخرى ..

وزعته بفرشاة سيجما اف ٨٠ واخيرا كانت النتيجة مرضيه ونوعا ما مقبله واخذ وقتي بدمجة ع بشرتي ..

واستخدمة كمان معاه فرشة المسطحه اللي بالصورة  ماعرف اسمها صراحه اخذتها من جولي شيك لكن كانت كمان ممتازه ودمجت لي الكريم كويس ..
واخيرا اعتمدت هالفرشه مع فرشاة سيجما لانهم حاليا الافضل في دمج المنتج ..
ورجعت جربت فيكس بلس  من ماك و  سيروم فيرسالي معاه أثناء الدمج  وكمان ضبط يصير اخف لكن النتيجة ع بشرتي نفس اللي ذكرت سابقا ..

التعليب والتغليف  : زي ما انتوا شايفين يجي في أنبوب مثل التعبئة  مع فوهة مضخة أو ضغاط زي ما البعض يسميه . الفكرة هذي حلوه و اعتبرها   صحية كمان  وسهلة للسيطرة ع كمية المنتج .لان  المضخة تخدمني في عدم خروج منتج زايد يعني اقدر اضغط نص ضغطه اذا حابه كمية مرا قليلة ، وعادة انا ضغطة وحده كامله تكفي  وجهي كله. كمان تخدمني بالسفر ان التعليب ماراح ينسكر ولا راح ينكب فـ هذا شيء اعتبرة جدا ممتاز وعملي ..

حجم أو الوزن الصافي : ١٢ مل  للحجم الصغير ..  ٥٠ مل للحجم الكبير 

تاريخ صلاحيته من بعد استخدامه او فتحه : ١٢ شهر يعني سنة .. 

اماكن توفره : اونلاين بالمواقع مثل ايهرب وفانيلا وكثير مواقع  وعند التاجرات كمان و  للاسف مافي الى الان معرض يبيع منتجات ميشا ..

سعره: يعتمد ع حسب التاجرة او الموقع وكمان حسب حجمه .. انا اخذته من خلود ستايلي وسعره كان بطل عندها راح اترك لكم رابط متجرها بالانستا :


هذا تقريباً كل شيء بخصوص المنتج انشاء الله وفقت في كتابة التدوينه واي سؤال خذو راحتكم واكتبوه ..
في أمان الله ..