مشترياتي من منتجات فلورمار تركيا -

السلام عليكم والرحمة ،،

هالفترة مكثرة تدوينات مبسوطة برجعتي للتدوين هههه ..

المهم شحالكم بنات انشاء الله تمام ..

التدوينه هذي بسيطه وخفيفه بتكون عن مشترياتي الميك اب من فلورمار من تركيا خفيفه وبسيطه بس حبيت اشاركها معاكم ..

 

أول حاجه بقولكم الاسعار جداً جدآ مختلفة عن اسعارنا هنا .. بتركيا الاسعار ببلاش ع ريال وريالين وثلاثه وعندهم عروض حلوة ..

 

طيب أول شيء أخذته هو مجفف المناكير بخاخ كثير انشهر بشكل خيالي بالفترة الاخيرة  وانه جميل فـ قفلت اجربه وسعره رخيص مايتعد ١٢ ريال

طبعا قشيت مناكير كثير منهم اغلبهم وزعتهم هدايا لان  كانت اسعارهم بـ ٢ ريال و ٣ ريال وفيه عروض ع الوان معينة تاخذينهم ويعطونك لون مجاناً ..

مزيل مناكير كمان سعره ريالين كان عليه عرض وفيه عرض كمان ثاني تاخذون الوان مناكير معينه من كوليكشن جديد ويطلع لكم المزيل مجاناً ..

مزيل المكياج كريم يحتوي ع الحليب كمان سعره رخيص بس للاسف مو ذاكرة بكم اخذته كنت محتاجة وقتها لان اللي جبته معي مخلص فـ اضطريت اخذه ..

مرطب الشفايف من فلورمار من الكوليكشن الجديد اخذت بنكهة الكراميل لونه برتقالي يعطي قلوس او لمعه بسيطه للشفه ريحته حلوه ونكهته بعد .. سعره حول ١٢ ريال اذا مو غلطانه وفيه منه الوان كثير وكلهم لذيذين ..

اخر شيء وهذا الشيء وقت اصور عجزت الاقي الباقي هي المحددات الشفايف اذكر قشيت كثير كثير بس ماشفت الا هالاربعه مدري فين ضيعتهم!
المهم سعر الواحد ب ١٠ ريال بس وخذت الوان كثير منهم لان جودتهم حلوه ثباتهم ممتاز ..

تقريباً هذي المنتجات الي اخذتها منهم وانا من قبل مجربه مناكير وكاتبه تدوينه عنها بتلاقونها هنا ..

الشركة منتجاتها رخيصه جداً وجودتها ممتازه باغلب منتجاتها ..

انشاء الله راح اكتب لكم ريفيو ورأيي عن كل منتج استخدمته منهم قريب ..

استودعتكم الله ..

في أمان الله ،،