جهاز لونا بلاي من فوريو | Foreo Luna Play Review

السلام عليكم والرحمه حبيباتي ..
انشاء الله تمام
تدوينتي اليوم عن تجربتني لجهاز تنظيف البشرة من فوريو لونا بلاي

*إيش هو جهاز لونا من فوريو؟

الجهاز هو عبارة عن فرشة سيليكون بتقنية سونيك تعطي ذبذبات صوتية تنظف المسام بشكل عميق بس رقيقة بنفس الوقت عالبشرة.

متوفره الآجهزه الدائمه  بأحجام : صغير و وسط وكبير ومختلفين عن بعض، أنا عندي الصغير حجمه ميني واستخدام متعدد وينتهي  وراح أتكلم عنه بالتفصيل وعن تجربتي ورأيي فيه.

صناعة الجهاز سويدي ..

الحجم الميني مناسب لكل أنواع البشرة ويجي بشكل مسطح صغير والجهة الأمامية تعطيك تنظيف رقيق لكل البشرة والجهة الخلفية تعطي تنظيف أعمق لمنطقة الأنف والتي زون خصوصا للبشرة الدهنية.

*طريقة الإستخدام:

الجهاز  الدائم مبرمج يشتغل لمدة دقيقة بسرعتين عادية وبطيئة، وكل ١٥ ثانية يسوي صوت عشان تنتقلي لمنطقة أخرى للوجه 

تشغليه وتستخدمي معاه أي غسول عادي مناسب لبشرتك بس مايكون سكرب.

ويستخدم مرتين باليوم. أما جهاز لونا بلاي زي اللي عندي مافيه الا سرعه وحده بس ومافيه مؤقت أنتي تحسبين لكل منطقة ١٥ ثانيه وتنتقلين بعدها لمنطقة ثانيه ..
لك في الجهاز ١٠٠ مره تشغلين الجهاز يعني ١٠٠ استخدام وبعدها خلاص ينطفي وماعاد يشتغل ولا ينشحن .. وماكتبت هذي التدوينه بعد ما خلصت استخدامات الجهاز كلها  و انتهى ..

الهدف من هذا الجهاز هو تجربة الجهاز علشان لو عجبك تقدرين تقتنين الجهاز الدائم واذا لا ماعجبك ماتكونين خسرتي مبلغ كبير ع الجهاز وماناسبك .. فكرة ذكية وبطله من فويو ..


مميزاته وتجربتي معه :

-  الجهاز ضد الماء  أكيد وعادي لو استخدمتيه تحت الشآور وماراح يتضرر ..

- فرشة الجهاز مصنوعة من السيلكون عالي الجودة آمنة و صحية على البشرة ومقاوم  للبكتريا يعني ماتشيلون هم أن البكتيريا تعيش بين شعيراتها ..

- مافي داعي أبدا لإستبدال فرشة الجهاز  لأن أساساً ثابته .. ولا راح تكلفك كثير بتغيير الفرش يعني الجهاز أقتصادي

- متوفر بــ ٥ ألوان : وردي فاتح / فوشيا / أزرق / أسود / أصفر ويقال أن مذكور بالموقع إن كل لون حسب نوع البشرة تختارينه ..
- فيه زر تشغيل واحد فقط موجود خلف الجهاز

- زي ما انتوا شايفين بالصورة حجم الجهاز جدا صغير وينفع تاخذينه معاك بالسفر ماراح يثقل عليك ..

الجهاز عملي جدا و سهل الاستخدام وخفيف جدا   ويساعد في ازاله رواسب المكياج  والجلد الميت و بسبب الذبذبات الصوتيه  يحرك الدوره الدمويه  فــ يعطيك نضاره   بالبشرة  وهذا الشيء يخلي بشرتك تمتص وتتفاعل مع الكريمات أ السيروم بشكل افضل

أنا جربت معاه غسول ومرطب من كيوفي وكانوا ناعمين جدا ع بشرتي وحبيتهم مع بعض .. وسبق كثير تكلمت عن    كيو في واعجابي بمنتجاتهم ..

بالنسبة للجهاز حبيته  و بشرتي مرتاحه معاه وماسبب لي تهيج أو أحمرار أو حساسية و ينظف لي البشرة بفعالية وفعلا بعد ما أخلص أحس بشرتي نظيفه ومرتاحه ..

إستخدامه تقدرون مرتين في اليوم لمدة دقيقة وحدة  وأنا بصراحة  أستخدمه مرة وحدة في اليوم و أستخدمة بعد ما أنظف بشرتي من المكياج بمنظف زيتي من غارنيية أو بمناديل مبلله و  بعدها أغسل وجهي بالماء و أوزع الغسول من كيو في ومكتوب عليه كلينزر  على كامل وجهي و ابدأ بالجهاز لدقيقة و بحركات دائرية على الوجه كامل حتى الرقبه وبيني وبينكم حتى شفايفي أمرره عليهم .. وأغسل وجهي كامل بالمويه و حسيت بشرتي بعد إستخدامه نظيفة و ناعمة  وبعدها أما أرطب بمرطبي أو أوزع سيروم  وبعدها مرطب المهم يابنات الترطيب بعد أجهزة تنظيف البشرة جدا جدا مهم لا تهملون هذي النقطة أبدزً ولا راح يسبب لكم جفاف شديد وبعدها حبوب .. 

أفكر جدياً أشتري الحجم الكبير بعد تجربتي له وكويس انهم أتاحوا لنا هالجهاز الصغير علشان نجرب قبل لا نتورط بالجهاز الكبير لانه سعره مرتفع وهذي فكرة ذكية ومحسوبه لبراند فوريو ..

وبس والله هذا تدوينتي للجهاز ورأيي فيه بكل صراحة وبدون مدح مبالغ فيه والجهاز بفلوسي علشان محد يقول تمدحة علشان وصلها لا جاني في اشتراكي من قلام بوكس وانا دافعه سعر الاشتراك ..

عموما تحصلون الجهاز في سيفورا وصيدليات وايتس أو بوتس وسعره حدود ١٠٠ الى ١٤٨ ريال هيك

والاحجام الثانيه تختلف أسعارهم حسب الحجم والاصدار نفسة ..

أشوفكم ع خير إنشاء الله ولو عندكم سؤال أكتبوة في خانة التعليقات وراح أجاوب عليه ..

في أمان الله ..