الطلب من موقع ماك الشرق الاوسط + طلباتي | M.A.C

 الســـلام علـــيكم والرحــــمة

يســـعد ايامـــكم بكــــل حــــــب ..

تدوينتي اليوم عن تجربتي من الطلب من موقع ماك الشرق الاوسط (الميديل ايست ) M.A.C  لانه صار متاح الطلب اونلاين لدول الخليج ..
فا حبيت اجرب الطلب منهم لان عندي كم حاجه ناقصتني  ف بدل ما اروح السوق قلت اطلبها افضل ..



وهذا رابط موقع الشرق الاوسط يحتوي ع لغتين العربيه والانجليزيه .. مع تحديد الموقع اللي انتي متواجدة فيه ..

 http://www.maccosmetics-sa.com/ar-e-SA/

 في البداية راح استعرض معاكم طلبيتي وباخر التدوينة راح تشوفون شرح مبسط لطريقة الطلب


وصلني البكج مغلف بكرتونه وعليها معلومات الطلب 

وبعد مافتحت الكرتونه داخلها بوكس ماك اللي فيه المنتجات :)
 


داخل البوكس ظرف او مغلف فيه الفاتوره مع معلومات الطلب ومعلوماتكم الشخصية اللي سجلتوها بالموقع  وكل شيء 

وهذا المنتجات الجميله :)

عينه صغننه جدا اخترتها وكانت cleanse off oil     بداخل كيس قماشي عليه لوقو البراند 






محدد شفايف سور (soar) اشهر من نار ع علم وممكن انا اخر وحده بجربه 
السعر :93 ريال

روج مطفي اسمه مهير (mehr) لونه من درجات النيود ع بينك جميل صراحة وينفع للصباح والدوامات ولكل وقت 
السعر :١٠٨








برايمر العين من لاين برو لونق وير اللي هو بين بوت  درجة سوفت اوكر 
السعر:١١٨ ريال

بودرة ترانزشن (شفافه)منثوره او اللي يسمونها حره او لوز باودر  لتثبيت الفاونديشن او الكونسيلر 
السعر :١٤٧ ريال

بخاخ الوجة فيكس بلس المعرووووووووف جدا وغني عن التعريف 
السعر: ١٠٥ ريال




واذا حابين تشوفون سواتشات وعرض للمنتجات بشكل اوضح تقدرون تشوفون الفديو في قناتي ع اليوتيوب :

 شــــــرح الطلب من الموقع :

رابط الموقع :

 http://www.maccosmetics-sa.com/ar-e-SA/

 أنا حددت من المملكة العربيه السعوديه وكل وحده تحدد من فين هي من دول الخليج ..

اول شيء راح اقوله لكم ان اسعاره بالضبط نفس اسعار الوكيل ،، ابدا ابدا مو ارخص وقيمة الشحن مضافة الا اذا كان الطلب يتعدى ٥٠٠ ريال راح يكون مجانا ..
قبل اشرح لكم شرح بسيط للموقع كمان راح اقولكم ان  :
التوصيل سريع جدا خلال يومين وصلت الطلبيه والحمد لله وصل كل شيء سليم ..
١- اول ماتضغطين ع الرابط اعلاه راح تفتح معك هالصفحه علشان تختارين اللغه للموقع ومكانك  مكان اقامتك

بعدها راح تفتح لكم الصفحه :

 من فوق في الشريط العلوي راح تشوفون المنتجات اللي عندهم والفرش او البرايمر وتحت كل موضوع قائمة منسدله بالمنتجات

 مثلا هنا أنا أخترت منتجات الشفايف و حولني الموقع عالصفحه المخصصه لمنتجات الشفايف

 مثلا هنا اخترت هالروج ومن ع جنب اليسار تختارون الالوان اللي انتوا حابينها وكلما اخترتي لون راح تشوفين اسمه يطلع لك في المربع اللي علية دائرة رقم ١
دائرة رقم ٢ هي سعر المنتج 
اذا عجبني راح اضغط ع اضافة الي الحقيبه بالمربع الاسود 

بعد ما اخلص من شراء او تعئبة السله بالمنتجات اضغط ع السله او الحقيبة الموجودة في اعلى يسار الصفحه واضغط ع الدفع وراح تفتح معاي هذي الصفحه فيها ع اليمين  طلباتي وتحتها المبلغ مع سعر الشحن  و اليسار فيها اختيار للعينات  وفوقها لوكان عندك رمز قسيمه تدخلينها في هالخانه

 وبس تتاكدين من طلبك وكل حاجه تضغطين الانهاء والدفع :

صفحة تسجيل دخول لعملاء جدد أو عملاء سبق الطلب لهم من الموقع

بما أن احنا جدد راح نختار هذا الخيار :
ونكتب فيه ايميل صحيح لان راح نستقبل رقم الطلب عليه 

بعدها صفحة البيانات وهذي مهمه تعبينها بيانات صحيحه علشان الشحن والعنوان وكذا :

تقدرين تختارين اللوكيشن او موقعك من الخريطه الموجودة ولازم يكون الجي بي اس شغال عندك علشان يحدد موقعك 
كمان تختارين اذا حابه توصلك ايميلات من عندهم لو في حال منتج جديد نزل او عروض وتخفيضات وكذا

بعد ماخلصنا كل شيء اخر شيء نضغط على تابعي الموجودة بالمربع الاسود
وراح تفتح معانا صفحة الدفع

الدفع عندهم بطريقتين :
١ - الدفع عن طريقة البطاقات الائتمانيه والفيزا
٢- الدفع عند الاستلام ..

بعد كذا ماخلصنا وتاكدنا من كل شيء صحيح وسليم نضغط ع وضع الطلبيه الموجودة بالمربع الاسود
وبكذا نكون خلصنا وطلبنا انرسل

وراح توصل ع الايميل رساله تأكيد للطلب فيها الطلبات مع رقم الطلب وبعدها يرسلون لك اذا انشحنت مع رقم تتبع من ارامكس وخلال يومين تقريبا توصل لكم الشحنه وراح يتصلون عليكم ارامكس او تقدرون تتبعونها عن طريق الموقع ..

الرسائل اذا ماحصلتوها في صندوق الوارد شيكوا عليها في الجنك ميل او الرسائل الترويجيه وكذا ..

وبس اتمنى وفقت في الشرح واي سؤال اكتبوه في خانة التعليقات وراح اجاوب عليكم انشاء الله ..

واذا طلبتوا شاركوني مشترياتكم :)

ولو عجبكم الموضوع لا تنسون تشاركونه مع من تحبون

دمتم في أمان الله ..