ريفيو فاونديشن ترو ماتش - Review Foundation L'oreal true

 مرحبا جميلاتي!

زمان عن التدوين وهيك رجعت مشتاقه ادون واكتب كلام كثير فا تحملوني شوي

البوست زي ما انتو شايفين ريفيو او مراجعة عن رأيي في فاونديشن (كريم أساس)  لوريال ترو ماتش الاصدار الامريكي يعني هذا النوع مو متوفر عندنا الا بالطلب من المواقع او التاجرات توفره .
والحذر الحذر من التقليد منه لان منتشر وكثييير انتبهوووووا ..




سعره بالدولار   - 10.95 $  وبالريال السعودي حوول ٤٤ ريال والتاجرات ع حسب كل وحده وسعرها .. 
الكمية: 30 مل.
 تاريخ صلاحيته : 2 سنوات 
عدد الدرجات أو الظلال: 33 درجة. يعني الا ماتلاقي درجتك ..
 التغطية: التغطية خفيفه إلى متوسطة والفنش فلوليس أو يعطي؛ بشره نظره بلمعه صحيه 
..مكونات المنتج: لا يحتوي على الزيوت والعطور، أو الحشو او المواد اللي تؤدي انسداد المسام، علشان هيك هو جميل، ويعطي لوك مشع وصحي وجميل  وكأن البشره مصقوله ، والجلد تحسونه هيك نظيف والتوزيع فيه متساوي وكمان من محتوياته  الفيتامينات A و C، و  جنين القمح ومن الفواكهه مستخرج العنب يحافظ على بشرتك متغذية ومحمية وصحية..
 
تجربتي:  خلونا نكون صادقين مع بعض ما كنت قبل اتوقع الاقي فاونديشن بالدرق الستور نفس الان! كيف يعني ؟ قبل كانت الفاونديشنات الدرق ستور حلوه لكنها عاديه جدا وخفيفه بس الان وضعها تغير وصارت تنافس فاونديشنات الهاي ان وبعضهم احلا حتي من الهاي اند يعني تحسنات بشكل كبير  ..


. وكمان بالفتره الاخيره بعد البلوقز والبلوقر والتدوينات صارت معظم الناس يحبون القراءة عن منتجات جيدة وكويسه ورخيصه وتسوى قيمتها ومتوفره بكل مكان زي الصيدليات والمحلات والاسواق المعتادة ..

مثل هذا الفاونديشن او الكريم الاساس من لوريال من لاين تروماتش  في الفتره الاخيره انشهر جدا والكل صار يستخدمه تقريبا .. فا قلت نجربه واكتب رأيي فيه ..

 
وفعلا طلبته واخذت  الدرجة اللي استخدمتها n5.5  الدرجة هذي بالواقع طبق الاصل للون بشرتي تقريبا ع  لون بيج  يمك هذا الدرجة الوحيده اللي جربتها من كل البراندات وضبطت حبيت لونها علي بشكل خيالي  من كثر ما هي مناسبتني 
(انا في حالة حب مع هذا الأساس). الحمد لله ما تأكسد اللون معاي ابدا .. ممكن يصمد معاي الى خمس ساعات ..
ماحسيته خطط او تشقق معاي ابدا اللهم احيانا يدهن عندي في مناطق التي زون لان انا بشرتي سبق وقلت انها مختلطه واحيانا الافراز عندي يزيد بين فتره وثانيه على حسب الاجواء ..

طبعا  هذا الفاونديشن  التغطيه حقته  متوسط ​​إلى ثقيل لانه يمكن البناء عليها. الفنش الاخير له  هو من السا
تان لامع . ديوي صحي مو لامعه تدهن بس نصيحه مهمه قبل كل استخدام لازم لازم  (تهزون الزجاجة كويس قبل استخدامه) علشان المواد تنخلط كويس .
يحتوي على نسبة حمايه من الشمس spf17 بس اعتقد هذي مو كافيه خصوصا في شمسنا هذي وبالصيف خصوصا ..

في التوزيع والدمج  أنا استخدم معه فرشاة سيقما F80  لانها تمزج الأساس بشكل ممتاز ولاتسوي خطوط ع الوجه أو استخدموا اي فرشاه انتوا حابينها  او الاسفنجة زي ريل تكنيك وبيوتي بلندر . او حتى اصابع اليد اذا كانت نظيفه ومعقمه ممتازه في الدمج وتعطي نتيجه حلوه ..


  اللون غني  سلس وسهل بالدمج  .. فقط  كمية  صغيره و مناسبة راح تعطيك تغطية ممتازه ورقيقه ممكن ماحد يلاحظ انك حاطه فاونديشن بس راح يلاحظون ان بشرتك جميله وصحيه ...
 وما يسبب اي تهيج للي بشراتها حساسه لان خفيف وتتنفس البشره منه .
 
 لوريال صرحت  أن هذا الأساس هو لجميع أنواع البشرة، بس انا اشوف وجود استثناءات. مستحيل كل البشرات تناسبها ..
اللي  جافه بشرتها او  عاديه  هذا الأساس  بيكون مثالي لها .. لانه مو  ثقيل ويمكن مثل ماذكرت سابقا  التغطية تقدرون تبنون عليها  ولانه فيه نسبه ترطيب .. الاستثناء هو  إذا كانت بشرتك جافة جدا جدا ماراح ينفع  لأنه يميل إلى التبقع  في المناطق الجافة .. بس الحل لهذي المشكله الترطيب الكويس ..

اما البشره  الدهنية جداممكن  يكون لك  كارثة. علشان هيك تاكدي من نوع بشرتك .. ممكن البشره الدهنيه الخفيفه تقدر تستخدمه وتخفف الدهون ببودر شفاف ..

الحلو كمان انه سهل الازاله مااحسه ان ينشب في مسامات البشره .. 


رأيي النهائي:
  أنا جدا حبيت الطريقة blendable . وفعلا يندمج لانه خفيف كأنك مو حاطه طبقة مكياج  رهييب  وصرت استخدمه شبه يومي وللطلعات والزيارات وكذا حتى اني خلصت ثلاث ارباعه وباقي قليل وافكر ارجع اشتريه مره ثانيه .
. المنتج: 4/5 

 التعبئة والتغليف: 4/5 تمنيت التعليب بكون بشكل افضل لانه قابل انه ينسكب او ينكب لو معه مضخه افضل .. كمان العلبه زجاجيه خفيفه حسيتها قابله للكسر .. طبعا هذي النسخه الامريكيه اما النسخه الاسيويه المتوفره بالاسواق التعليب مختلف .
 القوام او كثافة المنتج: 4/5 
تاريخ الصلاحيه:   هذا غير تاريخ الاستخدام  3/5
 التغطية:  4/5 ممتاز الي جيده جدا







تنويه مهم : تم شراء جميع المنتجات المذكورة في هذه التدوينه من أموالي الخاصة. أنا ما عملت دعايه أو  برعاية / عوض / دفع لي لكتابة هذه التدوينه  وجميع الآرائي الخاصه بي على الا طلاق واتحمل رأيي ..