سلسلة لوك الصيف٢٠١٦ : سيلف تان سولتان تجربتي مع المنتج ورأيي فيه !Self TANNING Soltan ♡

هيلوووو ورجعت لكم اليوم بالبوست  الثاني للسلسلة لوك الصيف ل٢٠١٦ 

بيكون عن السلف التان وكيف ينحط وكذا وسبق وتكلمت عنه بموضوعين وشرحت بالتفصيل مع تجربة منتجات اذا حابين تطلون عليهم

Welcome summer | وقت  التان والبرونزر بالصيف  ~~


تان تان الصيف جآآآآآآآآآآآي  تعالوا نتنتن مع بعض ..

اليوم بالتدوينه هذي راح أجرب منتج سيلف تان جديد أخذته من صيدلية بوتس أسمه سولتان  عباره عن رغوه أو مووس فا قلت أجربه أخذته هو مع منتج كريم معزز للون التان .. ..

الحلو بمنتجات تان سولتان أن فيها درجات تقريبا ثلاثه فيه دارك غامق يعني وكمان ميديم وسط وفيه لايت اتوقع

فا تختارين درجة التان اللي حابتها وتناسب لون بشرتك وملامحك
 ..

اللي ع اليسار هذا البخاخ المووس(الرغوه) واللي ع اليمين كريم أو الجل

أول حاجه وقبل مانبدأ راح أقولكم وسبق وذكرت بمواضيعي السابقه  لازم قبل التان أو البرونز تسوون تقشير للجسم بسكراب او مقشر او حمام مغربي للتخلص من الجلد الميت علشان مايبقع معاكم اللون ويطلع شكله سيء وكمان ماننسى ازالة الشعر اقل شي قبلها بيومين علشان المسام مايتحسس..

أول حاجه بعد ماخلصنا الخطوه الاولى يكون جسمنا جاهز لنوزيع المنتج ويفضل وقتها ماتكونين حاطه كريم مرطب ع الجلد علشان يسهل ويسرع امتصاص المنتج نبدأ نوزع الرغوة ع الجسم ونكون لابسين قلفز او قفاز او ليفه خاصه بتوزيع التان علشان ماتصبغ وتتلتخ اليد من المنتج وبحركات دائريه متساويه نوزعه ع الجسم او المناطق اللي راح تكون مكشوفه اذا مو حابين الجسم كله نوزع طبقه ونخليها تنشف واذا ما اعجبنا اللون نوزع طبقه ثانيه

مانلبس ملابس حتى يجف المنتج علشان ماتتوسخ الملابس وتبقع وطبعا مايطول كلها شغلة ١٠ دقايق الا الجسم يتشربه ويجف والنتيجه فوريه يعني مايحتاج تنتظرين وقت علشان تبان النتيجه معاك ..

وزي ماقلت اول ماتبخينه رغوه وبعدها مع التوزيع راح يتحول قوامه مائي ع شوية زيت ..

المناطق الخشنه او اللي فيها سواد نتجنب نوزع فيها علشان ماتكون اغمق من قبل ..

يفضل بعد التان يكون عندك منتج برونز فيه لمعه او قلوووو علشان توزعينه وقت المناسبات ومايكون الشكل اشهب ويكون الشكل صحي أكثر احيانا استخدم كريمات او لوشنات تجي لمعه برونزيه من باث او بودي وركس وسبق وذكرت واحد مع صورته في احد المواضيع السابقه

اذا حابه تعززين اللون اكثر استخدمت كريم أو جل زي ماهو مكتوب كمان من سولتان يجي سايل اكثر من كريم توزعينه كمان كا طبقة ثانيه يعزز لك الوون ويعطي لون أغمق وفيه لمعه صحيه اكثر من البخاخ لحاله
وهذا شكله وسهل في التوزيع والمد .. واذا مو حابه هذي خطوه اختياريه وكمان تقدرين تستخدمينه لحاله بدون الموس او الرغوه يعطي لون خفيف ناعم
وطريقة توزيعه نفس اللي قبله بحركات دائريه متساويه نوزعه ع كامل المناطق اللي نبي نكشفها .. ..


العيوب اللي بالمنتجات ريحتها ماحبيتها ع انها معطره شوي بس الا تبقى فيها ريحة حنه شوي طول ماهو موجود ع جسمك راح تشمينها لحد ماتشيلينه او تقشرينه ويروح راح تروح الريحه ....
كمان لونها شوي جاي ع برتقالي اكثر من من انه جاي ع احمرار او برونز
النتيجه راح تبان اوضح بشكل كبير يوم ثاني راح تشوفونه واضح فا وقت التوزيع لا تتهورون علشان مايطلع الشكل مبالغ فيه او لون اسود :) 
من مميزاتها ثباتها يظل الى اسبوع وحسب عدد مرات الاستحمام
تروح بالتقشير او الليفه اذا كانت خشنه شوي ..


النتيجة النهاذيه: اللون جميل نوعا  علما اني لون حنطي تقريبا وانا احب اللون الاسمر يأسرني هاللون خصوصا اذا جات سحنة شمس خفيفه اووويلي عليه بس :) ويحتاج اهتمام وترطيب  ولمعه زي ماقلت حبيته جدا مع لون الشعر اللي سويته واذا جا لون اشقر افتح راح يكون احلى ... وراح تلوقون موضوع صبغة الشعر بالبوست قبل هذا طلوا عليه اذا حابين وباقي موضوع ثاني  علشان نكمل لوك الصيف الحيوي واللي بيكون كله انتعاش ونضاره


راح آنزل فديو ع اليوتيوب طريقة التوزيع الجسم وكمان قبل النتيجه وبعدها

تابعو قاني واشتركوا فيها علشان تشوفون كل جديد 

اتمنى عجبكم البوست ونال اعجابكم وتابعوني ع المدونه كمان علشان تنزل عندكم كل المواضيع الجديده اللي انزلها هنا ونكمل مع بعض باقي السلسله

في امان الله وحفظه
معسلامه ..