مآسك الزبادي للشعر لتغذيته ولمعانه ..

السلام عليكم والرحمه ..

كيفكم اخباركم؟

ايش مسوين بعد الزحمه والاستشوار المتواصل للشعر هههههههه 

انا شعري تعب من الاستشوار والفير والستريتنر وقلت اخذ فترة راحه بالمره هاليومين هذي لان  حسيت شعري تعبان ومحتاج تغذيه وتررررررطيب ولونه باهت  من تعرضة للحراره تقريبا كل يوم لمدة اسبوع ..
فا قررت احط لي مآسك لعل وعسى ترد الروح فيه ويعطيه لمعه بعد العمايل السودة اللي سويتها فيه بفترة العيد وهكذا  ههههه <<< مروقه وانا اكتب البوست لا تلوموني :)

 


المهم نجي لمكونات الماسك سهله ومتوفره بكل بيت وماتحتاج شغل ابد ..

علبة زبادي ... يغذي الشعر بالبروتين والكالسيوم ..

عصرة نص ليمون .. من اهم  فوايده يعقم فروة الراس ويشيل البكتيريا اللي تسبب التساقط ويعطي لمعه للشعر ..

ملعقة طعام عسل طبيعي .. كلنا نعرف فوايد العسل ما يحتاج اكتبها بس اهم حاجه انه يعتبر مضاد طبيعي ..

ملعقه كبيره زيت جوز الهند طبيعي .. كمان هذا اشهر من نار ع علم ابد ما يحتاج اتكلم عنه اتوقع تشبعتوا من كثر الكلام عنه ..


نكمل خلطتنا .. تخلطين كل المقادير مع بعض كويس وتوزعينها ع شعرك اذا كان الزبادي بارد خليه شويات يدفى ..



 














توزعين المآسك من الجذور إلى الأطراف ولمي شعرك لفوق والبسي كاب (قبعة الشاور ) ( أو فوطه مبلوله بمويه دافيه ) وخليه ع شعرك  من النص ساعه الى ساعه ،،

بهالوقت شوفي شغلك اشربي قهوتك شوفي تي في اللي يريحك ،، وبعدها اذا قضى الوقت خذي الشاور حقك..

قبل تغسلين شعرك دلكي راسك والماسك بشعرك هيك دقيقتين وبعدها اغسلي شعرك بالشامبو وتبخري وبخري شعرك  واستمتعي بشعر فيه لمعه وريحته جميله :)

والافضل تكررين هالمآسك كل اسبوع مره او مرتين لازم الاستمرار علشان الشعر يسترد صحته ولمعته الطبيعيه ،،


وبس هذي هرجتي اليوم ونهاركم وليلكم سعيد يارب ..

في أمان الله وحفظه ...