ذاكره فلاش آير واي فاي من توشيبا |...|

مرحبا ومراحب ومرحبتين لكل الناس الطيبين ..

اليوم راح اتكلم عن ذاكره فلاش اير من توشيبا الواي فاي .. FlashAir  هذي الذاكره فيها اتصال لاسلكي (واي فاي) لأي جهاز لوحي آو جوال ..

وتقدرون تنزلون الصور مباشرة من الكام الى الجهاز المحمول ..



خلونا ندخل بالتفاصيل بشكل اوسع علشان تفهمون ايش التكنيك حقها ..

بس قبل لا أتكلم عنها هالذاكره وصلتني من متجر سمارت مول هذا حسابهم ع الانستا @smartmallws  هالمتجر عندهم موقع الكتروني ويوفرون لكم كل ماتحتاجونه من امريكا يعطيهم الف عافيه .. ومن لايشكر الناس لا يشكر الله ..

الموقع : http://smartmall.ws/
حساب التويتر : https://twitter.com/smartmallws?lang=ar

حساب الانستاجرام :  https://www.instagram.com/smartmallws/


المهم ندخل بالتفاصيل والمعلومات عنها :

طبعا مع هذي الذاكره  تتنهي من مشكلة نقل الصور من الكاميرا , و كمان من مشاكل الكيابل او كل شوي نضطر اخراج الذاكرة من الكاميرا علشان ندخلها بالجهاز ..

فكرتها جميلة ونزلت قبل فترة من الشركة الكبيرة توشيبا غنية عن التعريف  لحل كل هذي المشاكل

مجرد تنزل التطبيق ( Flash Air ) الموجود في كل من نظام الأبل أو الاندرويد وهو مجاني وبعدها تنقل صورك

الملتقطة سواء في الجوال او اللابتوب  والاحلى فيها  تقبل الاتصال مع سبعة اجهزة بنفس الوقت ..

عليها رمز سري بالبدايه كلهم نفس الرقم ولازم عليك تغيره علشان الخصوصيه والرقم هذا هو :

١٢٣٤٥٦٧٨

في منها مساحات مختلفه

٨ جيجا سعرها حول ٨٠ ريال

١٦ جيجا سعرها حول ١٠٠ ريال

٣٢ جيجا سعرها حول ١٩٠ ريال

الاسعار هذي تقريبه فما اعرف بالضبط كم ..

طيب طريقة عملها : انك بس تدخلون الذاكره بالكام وتصورين عادي والمهم تكونين محمله البرنامج ع جهاز اللي بتنزلين فيه الصور .. وبعد ما تخلصون تصوير تفتحون شبكة الواي فاي وتبحثون عن شبكة اسمها فلاش اير راح يطلب منكم الرقم السري تدخلونه في حال اول مره نفس اللي عطيتكم واذا غيرتوه خلاص نفسه  وتشبكون معها

وبعدها تفتحون البرنامج وتكون الصوره موجودة تختارون وتسوون لها داونلود(تنزيل)

،تيراراااااااا راح تشوفون الصور بجهازكم تقدرون تعدلون عليهم او ترفعونهم او اي شي ..

فيه ملاحظه: لازم تكون الكام تشتغل شاشتها وقت تنزيل الصور ولا اذا فصلت او طفت الشاشه راح يفصل الاتصال فا احرصوا الكام تكون شغاله اما ع وضعيه عرض الصور او التصوير ..

وبس خلاص اتمنى عجبكم التقرير البسيط عن هالذاكره الجباره صراحه ريحتني كثير لان ياما فلاشات عندي تكسرت نصين بسبب اني اطلعها وادخلها من الكام كثيير وهي بلاستيك ما يتحمل وهذي الحل القوي انشاء الله ..

كمان ملاحظه او تنبيه ثاني: انتبهوا وقت تشرونها جربوها اذا تتوافق مع الكام حقتهم ويطلع عندكم الواي فاي لان انا اشتريت من العبد الواحد نسخه منها وما اشتغلت ورجعتها ويوم وصلتني هذي النسخه من امريكا اللي طلبوها لي المتجر تفاجأت انها اشتغلت زي الفل فا جربوا وقت تختارون علما ان الكام اللي عندي نيكون دي ٣٢٠٠ ..

انشاء الله تسفيدون من هالتدوينه وتعجبكم واشوفكم بتدوينات جديده وجميله باذن الله

معسلامه :)