السلام عليكم والرحمه
كيفكم ورمضان كريم ومبارك علينا وعليكم يارب
من زمان عن وصفات من مطبخي صايره كسوله ما اصور وصفات وطبخات
الوصفه هذي سهله على ان مكوناتها كثيره وممكن تشوفونها مخبصه بس الا انها بالنسبه لي لذيذه ومشبعه جدا وتعتبر طبق رئيسي وسلطه بنفس الوقت بسبب مكوناتها .. كمان تقدرون تضيون لها بروتين مثل (حمسه لحم مفروم او دجاج مشوح عالصاج) لكن انا ما اضفت كنت ابيها اخف .. كمان تقدرون تسوونها بشكل ساندويشات بدال ما انا سويتها بالصحن تاخذوت خبز البوريتو التورتيلا وتحشونها بالمقادير اللي تحت وكل واحد ايش يحب ..
ندخل بالوصفه ع طول ..
المقادير :
قبلها تقدرين تكنسلين وتضيفين اللي تحبين مو شرط تلتزمين فيها
-رز أبيض مسلوق
-فليفله مقطعه
-خس مقطع
-طماطم مكعبات
-افكادو مكعبات في حال مافي افكادو بالسوبر ماركت فيه صوص اسمه قواكومالوا هو صوص افكادو ينفع للوصفه
-حمص أو فاصوليا حمرا مسلوقين
-ذره حب
-لبنه
-صلصه رانش او بلو تشيز
-صوص ساور اند سويت-خبز تورتيلا محمص او شيبس او دريتوس اللي متوفر عندك
-جبن شيدر مبشور
الطريقه :
سهله مافيش اسهل بطبق التقديم توزعين الرز الابيض
وفوقه تبدأين تسوين طبقات
خس وطماطم
فوقه افكادو وذره
فوقه حمص او الفاصوليا
ترشين صوص الرانش علشان شوي يندمج المكونات
تكملين طبقات فليفله و جبن شيدر
واخر شي التورتيلا او الشيبس
فوقه تحطين لبنه وترشيتها بابريكا تززين وبعدها خططي الصحن بصوص ساوراند سويت
وبس خلاص الطبق جاهز
يفضل طبعا تاكلينها ع طول علشان الشيبس يحافظ ع قرمشته ومايصير لين من الصوصات بعد فتره
هالطبق هذا سهل صعب .. سهل اذا كانت عندك المقادير جاهزه وصعب اذا تحتاجين تطبخين كل شي لحاله هههه
المهم انه لذيذ وحلو وخصوصا لمحبين الاكلات المكسيكيه اللي هي هذي البيريتو والكاساديا وال التاكو وما الى ذلك ههههههه
وفي أمـــان الله وحفظه
معسلامه
ليست هناك تعليقات:
إرسال تعليق