السلام عليكم والرحمه
يمسيكم | يصبحكم بالخير ..
هالتدوينه بتكون طريقة تنظيف سبونج المكياج سواء البيوتي بلندر أو ريل تكنيك كلهم نفس الطريقة وسويتها فديو ونزلتها ع اليوتيوب اذا حابين تشوفون جديد اليوتيوب لا تنسون تشتركون بقناتي نفس اسمي بالانستا والسناب
هذا الفديو وراح اشرح تحت الفديو شرح مبسط وسريع ..
بالفديو شرحت كيف ننظف السبونج نبللهم بمويه ونستخدم الصابون او الشامبو او اي صابون صلب ويكون معقم مثل صابون ديتول او لايف بوي او ممكن تشترون الصابون المخصص للسبونج من سيفورا بس انا ما حبيته حسيته مكلف عالفاضي وفيه صابون يؤدي نفس الغرض
انا استخدمت صابون سايل من ريل تكنيك سعره كوويس وشغله ممتاز بس كمان في حال ماكان متوفر عادي تقدرون شامبو اطفال او غسولك المخصص للوجه ينفع
ندعك الاسفنج دعج خفيف بس بنفس الوقت نضغط عليها علشان اذا داخل السبونج بقايا منتجات تطلع وبعدها بالويه نغسلها وكمان ندعكها ونتاكد ان الصابون راح كوويس لان احيانا بقايا الصابون يحسس الوجه عند الاستخدام ..
التعقيم خطوه اختياريه بس انا احب اعقمهم لاني ما اغير السبونج كل ثلاث شهور وهالطريقه ماشيه معاي تمام لا عفنت ولا اختربت
بمويه حاره وديتول سايل انقع السبونج فيها مدة عشر دقايق كيذا او ربع ساعه وبعدها تحت المويه كمان واعصرها
واخليها ع منشفه تنشف الى اليوم الثاني واذا تاكدت انها نشفت مضبوط احفظها في علبة عن الغبار والاتربه وتجمع البكتبيريا
بس لازم تنتبهون انها ناشفه لان اذا مانشفت وقفلتي عليها هنا تتعفن وتتجمع البكتيريا فيها بشكل خرافي واسرع لان البيئه كويسه لنمو البكتيريا ..
وبس خلاص اتمنى يعجبكم الموضوع والفديو وتستفيدون منه
وانشا ء الله اقدم فديوات احلى واحسن من هذا ومثل ماقلت تابعو الجديد ع القناه بالاشتراك فيها
معسلامة ..
👍💜
ردحذف👍💜
ردحذفثااااانكيووو 💜
حذفجميل واستمري 💜
ردحذف