السلام عليكم والرحمه
كيفكم اخباركم انشاء الله منيحين
قبل ك اسبوع تقريبا في السناب شات اغلب البنات شافوا معاي هالشيء اللي سويته وشاركتهم تجربتي
شنو جبت ؟؟؟!!!
جبت لكم ماسك للشعر كوووويس كووويس اتعب وانا اقول كووويس هو يعتبر بديل البروتين اللي يلطخونه الصالونات بشعور البنات بس هذاك من جلسة وحده تقومون شعوركم حرير وناعمه وهذا الفرق انك تحتاجين كذا جلسة علشان تبان عليك النتيجه بس هو من او مره راح تفرقين شعرك ناعم ومترطب ومتمدد بس حسبوا حسابكم يا بنات مو تجي وحده شعرها خشششن خششن مرااا وتقول كذابه ماشفت نتيجه هينااا اقول لا اصبري ياختي هدي السرعه
انا قلت النتايج تختلف ع حسب نوعية الشعر وكم مره تحتاج اووك
طيب ندخل بمكونات الماسك :
نحتاج : ٢ موز
٢ حبه افكادو
ملعقة طعام عسل
قطرتين من زيت فيتامين E
ملعقتين زيت الخروع
ملعقتين مايونيز
زبدة الأكل أو زبدة الشيا بمقدار ملعقه الى ملعقتين
بيضه اختياري اذا حابه بس انا ما اضفت بخلطتي لان البيض ينفش شعري ومايصلح له ..
وكمان نحتاج خلاط الكيك علشان نخلط كل المكونات وتصير زي الكريمه ومتجانسه مع بعضها
نضيف الموز والافكادو بالخلاط حتى ينهرسووون كوويس كووويس ونبدأ نضيف باقي المكونات عليه ونخلط مضبووووط
هذي من مراحل الشغل وانا اضيف العسل
بعد مانخلطها مضبووط وصارت كريميه نضيفها في جار ( علبه زجاجيه ) نظيفه وتتحمل برودة لان راح نحفظها بالفريز
هنا خلصنا من الشغل واضفتها في الجار ونحفظها محكمة الاغلاق ومثل ما قلت نحفظها ضروري ضروري بالفريز ماينفع ثلاجه لانها راح تخرب ويتغير لونها راح تكفيكم الكمية حسب طول الشعر
طريقتها توزعينها ع شعر نظيف لمدة ساعتين واقل شي ساعه تلبسين كاب ع شعرك وبعدها تغسلينها عادي بشامبو
تستخدمين الخلطه من مره الى مرتين بالاسبوع فقط لمدة ثلاث شهور وبعدها عادي متى ماحبتي تستخدمينها لان كل مكوناتها طبيعيه مثل ما انتوا شايفين ..
يفضل تكتبون ع العلبه اسم الماسك والتاريخ كمان متى سويتوه علشان تعرفون اذا طول عندكم او لا لان الماسكات الطبيعيه تفقد فعاليتها وفوايدها اذا طووووولت كثيييييير فا انتبهوا حق هالشغله هذي
وبس والله هذا الماسك جربته بنفسي و ع شعري ونتيجته ممتازه ع شعري من الاول
حبيت اشاركم فيه لانه رووعه ويستاهل التجربه .. والحلو مكوناته تقدرين تستبدلينها لو في حاجه تتحسسين منها بس الاهم ماتغيرين الافكادو و بالنسبه البيض او المايونيز تقدرين اثنينهم جميع او تستغنين عن واحد فقط مايصلح تستغنين عنهم اثنينهم لانهم غنيين بالبروتين كمان ...
و ع فكره ينفع للاطفال كمان لانه طبيبعي ميه بالميه وافكر اسوي لبنتي ثاني علشان استخدمه لها
وانشاء الله تعجيكم النتائج اذا سويتوها ودمتم في أمان الله وحفظه
عادي احطه على فروة الشعر ولا يضرها ؟
ردحذفيس عادي بالعكس مغذي لفروة الشعر ويرطبها اذا كانت جافه ..
حذف