رواية .. حوجن ..

الســـــــــلام عليكم والرحمه ..

بعد انقطاع طوويل عن كتابه ريفيوز عن الكتب رجعت اكتب لكم عن كم روايه قرأتهم لي فتره طويله بس توني اتفرغ اكتب رأيي الخاص فيهم ..

هذا رأيي مو معناها رأي عام عن الكتب لا .. هذي انطباعي عنها

يلا تعالوا نشوف ايش راح اكتب عن هذي الروايات ..

راح أبدأ بــــــــ 

روايــــــــة حوجن للكاتب عباس إبراهيم 

 

هــــذي الروايه راح اقولكم من البدايه انها خياليه ولا تمت بالواقع بأي صلــه .. واللي وقته ثمين ومايقدر يفرط فيه لا يقرأها ..الرواية أخذت أكبر من حجمها بكثير

هذي  الرواية ااثارت صخب وضجه  في أوائل الاوقات اللي طلعت فيه  ومافي يوم ما 

يمر الا نسمع باسم القصه .

 تحمست للرواية جدًا خاصة وأنها تتكلم عن الجن، ولأنني شغوفة جدًا بالتعرف على

 الثقل الثاني الذي كلف بالعبادة مثلنا في هذي الدنيـــــا ، ولحبي والفضول اللي كثير 

يراودني  قررت قراءة هذه الرواية في أقرب فرصة وأخيييييييرا قرأتها .

واللي حمسني اكثر وقتها السلطات السعوديه اصدرت قراربمنع تداول القصه لاسباب

 انها تعلم السحر ولما قراتها  عرفت سذاجة هالقرار  لان الاحداث خليط عن خرافات 

مغلووطه لا تمت بالواقع ابدا

في البداية الرواية كنص أدبي صراحه  كانت ركيكة بنظري وضحلة الاسلوب ، تجمع  اللغة بين الفصحى

 والعامية وهالشيء عمل لي  تشويش احيانًا، وتنقطع افكاري فجاءه ويقتل الروح 

الادبيه المطلوبه بالقصه

 كما أن القصة في مجملها ليست سابقه لزمنها او على الأقل لا ما تختلف  كثيرًا عن

 القصص التي نستمع لها في مجالسنا بشكل متواصل وبمختلف نسخها التي تهدف 

لللإثارة وطرح الألغاز ،،  اسقاطات الكاتب على واقعنا وتحليل الأنفس البشرية

 وخيالات عقولهم وخاصة الدين والعلاقات كانت خياليه هي صحيح  اضافت للرواية عنصرًا مختلف

غير عنصر "الجن" الذي كان هو جوهرها .. لكن لاحبكة متماسكه ولا احداث تجذب 

لان


باعتقادي لو جردنا رواية "حوجن" من عنصر الجن، فا بتكون مجرد رواية سطحية

 عادية وبعيدة كل البعد عن مصاف الروايات المبهرة واللي تسحر القارئ او اللي

تستحق الوقت فعلا اللي 

يضيع في تقليب صفحاتها .  يعني واقعا حسيتها روايه للمراهقين 

كما ان سعرها في جرير ب٤٥ ريال وهالشيء اعتبره اووووفر صراحه ع روايه بهذي المستوى ..

راح اختم الموضوع بنبذه من القصه ع طريقتي لاني ما ابي احرقها ع اللي حا يقرأها 

حبكة القصه : ان بنت من جده عشقها جني اسمه حوجن ودارت القصص والمواقف فيهم وان هي بيوم مع صديقاتها يلعبون لعبة الويجا اللي انتشرت فتره انها لتحضير الارواح
وكمان دارت الحروب بين انسان وجني علشان الانسه سوسن
يعني حبكه خيالي هذا اللي اقدر اقوله 

في أمــــــــان الله ..