السلام عليكم والرحمة
كيفكم مع البرد اللي رجع وجمد أصابيعي وآنا اكتب لكم
علما إني جالسة أكتب لكم هالبوست وأنا لسى ما بعد أصور الصور
فا مدري كيف وضعي عادة أصور والصور تلهمني للكتابه بس البرد كسر عظياماتي فا انشاء الله اصور سرريع ،،
من فترة طوووويله جدا طلبت من تاجره فرش كوستال سنتس وكانت أول مجموعه ست كامل أشتريها لان اللي عندي كانت الفرش أخذ بالحبه كنت أخاف من المجموعات مدري ليش وخصوصا وقت اطلبها كان الاسعار نااار خصوصا بالانستا
المهم جالسه اطالعهم وقلت ليش ما اسوي ريفيوو لها ...
طبعا الكل يعرف اسم الماركة كوستال سنتس - اشهر من نار ع علم وعندهم منتجات ميك اب ..
سعرها في موقع امازون بـ 34.95 دولار يعني حووووول 131 ريال - وأنا أخذتها حوول ٢٥٠ ريال تقريبا
المجموعة هذي يجي فيها 22 فرشة مخصصه للوجه وللعين كمان ،، متوفره باللون الاسود فقط،،،
هالمجموعة تحتوي على ٦ فرش للوجه والباقي للعين ،،
اغلب هالفرش مصنوعة من شعر صناعي و شعر الحيوانات و النايلون ...
وكل هالفرش تيجي بشنطة جلد محفور عليها أسم الماركه وهالشنطه جدا تنفع للسفر تلم الفرش وتحافظ عليها ،،
وأول ما شتريتها يجي ع كل فرشه غلاق بلاستيك يحافظ ع شعر الفرشة علشان مايخرب ولا ينفش بس للاسف انا رميتهم حسيت نفسي ما استخدمهم ومسوين زحمه لي وتخلصت منهم ،،
١- الفرشة الكبيرة اللي هي الفان برش يعني فرشاة المروحه شعرها صناعي من الفايبر , ومفروض استخدمها للاضاءة الهايلايتر او بازالة البودرة الزايدة أو الشدو المتناثر بس أنا بنالسبه لي مزهريه عندي ماحبيتها أبد أبد حجمها كبير وشعرها مو متماسك مدري كيف تصلح مهفه اهف فيها ههههههههه امزح المهم اني فضلت تبع ريل تكنيك عنها بمراحل ..
٢- فرشة دمج الفاونديشن الفرشاة مسطحة مصنوعة من الشعر الصناعي, شعرها جدا كثيف و ناعمة
استخدمها لتوزيع الفاونديشين كنت أحبها بس بعد ماجربت الاسفنجات بطلت أحب نتيجة الفرش ولا هي كويسه نوعا ما
٣- فرشة البودرة مصنوعة من الشعر الصناعي الفايبر تنفع للباودر وللكريمي . وشعرها جدا كثيف استخدمها للبيبي كريم او لما اوزع الفاونديشين لانها كثيفه واحيانا ادمج فيها بودرة للوجه وهذي احلا و احب فرشاه لي في المجموعه كلها
٤- فرشاة توزيع الفاونديشين مصنوعة من الالياف استخدمها لتوزيع الفاونديشن ع مناطق الوجه أو اذا حابها تضبيطين في الكونسيلر بس أنا استخدمها للماسكات اوزعها فيها ،،
٥- الفرشة الدائرية الفايبر مصنوعة من الشعر الصناعي متفرق ويجي هيك متوزع بس حجمها وسط الى صغير حلوه للدمج
تنفع للمنتجات الكريميه مثل البلشر او الاضائات الكريميه وحابه النتيجه تكون مضبوطه ومايكون اللون قوي وصارخ هالشيء ينفع, و تقدرين تستخدمينه للاضاءة ترا مو لون اطرافها وردي !!! ههه بس مستخدمتها في بلشر كريمي :)
٦- فرشاة الانقل او اللي يسمونها المايلة هي فرشاة البلشر.... مصنوعة من شعرطبيعي ناعمه . استخدمها لتحديد ملامح الوجه او الكونتور .. احيانا استخدمها للبلشروالبرونزر كمان ... حجمها مناسب للوجه ،،
خلصنا بكذا فرش الوجه نيجي لفرش العيون والحواجب وما الى ذلك .. عموما استخدام الفرش مايقتصر ع اللي مكتوب استخدميها لشيء اللي ترتاحين له وحابته ،،
شخصيا مو كل فرش العيون استخدمها واحبها لان حجمهم كبير ع جفن عيني فا مرات استخدمهم للوجه او رسم كونتور وكذا ،،
هذي فرش الدمج للايشادو مو كلهم حبيتهم حجمهم كبير ع جفني لان مساحته ضيقه عندي حبيت اكثر شيء اول وحده من اليمين والباقي استخدامي لهم جدا جدا قليل ...
هالفرشتين احبهم بقووووووووووه من اليمين اثبت باودر تحت العين بالطبطبه والثانيه شعرها صناعي بلاستيك لتوزيع اشياء كريميه انا استخدمها لتوزيع الكونسيلر تحت العين او انظف فيها تحت الحاجب وهيك شغلات
هذي الفرشه مدري لايش مصنوعه اصلا!!! احس مالها غرض ولا سنع بس تقدرون تستخدمونها لاضائه مدمع العين
الفرش المشطوفه
تستخدم للحواجب او الجل لاينر بس عريضه للجل لينر لاني احب النحييفه ترسم لي مضبوط والفرشه اللي كرفتها صح اول وحده ع اليمين استخدمتها لحواجبي حق الجل اذا برسم فيه
هذوووول الفرش من مفضلاتي من مجموعه العين كلها لانها تناسب الجفن عندي وغير هيك مسطحه تاخذ اللون كووويس الثلاث من اليمين احبهم للجفن العلوي المتحرك اما اللي ع اليسار اعشقها لخط الرموش السفليه ترسم وتدمج كووووووويس جدا احبها اعتبرها اساسيه عندي
وبس والله هذا ريفيو تقريبا عنهم حاولت اني اوضح شغله كل فرشه بس كمان مو مهم تلتزمون باللي مكتوب استخدموا الفرش بالطريقه اللي تريحكم
لان الفرش مالها قاعده معينه نمشي عليها لا نجررربها لكذا شغله ونشوفها لايش تصلح وتناسب ..
اتمنى آنكم استفدتوا من البوست واي سؤال راح ارد عليكم
واعتذر مجددا اذا كان البوست او الصور قصرت فيهم ،،
دمتم بحب
مع السلامه :)
ليست هناك تعليقات:
إرسال تعليق