يا هلا والله ..
شخباركم انشاء الله منيحين وكويسين ..
اليوم جايبه لكم مجموعه من توفيسد الأشياء اللي فيها كلها ميني فيها آربع قطع
وهالمجموعات عاده تتوفر اونلاين واوقات الاعياد عندهم والكريسمس واحيانا بنزلوها كا عروووض وكذا
يعني فرصه للتجربه علشان تحكمون ع منتجاتهم وتشوفون وش يعجبكم وشنو ماعجبكم بدال مانشتري الفل سايز ونتوهق فيه وكثيرات صارت لي ..
انا عني جدا عجبتني صراحه لاني جربت واللي عجبني منهم راح اشتري اكيد الحجم الكبير منه
هذي القطع اللي فيها
روج
برايمر العين
مسكرا
برونزر
نبدآ بأول شي
وهو الروج مثل ماقلت لكم حجمه ميني يجي نص الاصبع
الباكجنغ حقه حلو وراقي وتعرفون منتجات توفيسد تهتم في طريقه التعليب
نجي لدرجته آسمها Naked dolly
لونه طالع بينك ع نيود لكن نجي للواقع عني انا ابدا ابدا ماحبيته طلع شكله علي كاني مريضه وشفايفي بيض صدمني صراحه مع ان اول ماشفته تجننت عليه وقلت احلا لون بيكون لكن لا يازمن وش بقى كثر ماخذيت هههههه شطحت
المهم ماناسبني اللون ابد طبعا نوعه كريمي فيه لمعه وثباته وسط يطير مع الاكل والشرب
اللي حبيت فيه حجمه بس لانه كيوووووتي ههههههه
ثاني حاجه وهي المسكرا وأسمها Better than sex
لكن في الشرق الاوسط غيروها وسموها Better than love
هذي الحب
هذي العشق
وهذي الاكيد اللي راح اخذ منها فل سايز
تكثف الرموش وتعطي فوليوم حقيقي للرموش وثابته وفرشاتها كثيفه
وسوادها فاحم وتنمسح بسرعه وماتعذب ..
وكمان الباكجنغ راقي وحلووو
وسعر الفل سايز ١٠٠ وعليها يعني تستاهل صراحه
ثالث حاجه وهي البرونزر وآسمه chocolate soleil
وهذا الحب الثاني بالمجموعه وصرت دايم استخدمه
لونه دافي وجميل وينفع نستخدمه كونتور لانه في اندرتون رمادي
ريحته شهيه ريحة شوكلت طبعا منه درجات بس هذا ميديوم \ديب
كمان ماات يعني مطفي مافيه لمعه
كمان ينفع لكل الوجه
العيب الوحيد اللي ماحبيته فيه الباجكنغ حقه كرتوني وبلاستيك من داخل يمكن الفل سايز علبه اتوقع
بس جماااال ونعومه فيه وسهل في الدمج
وهذا لونه من الداخل والرريحه بس هههههه
الرابع والآخير هو برايمر العين اسمه shadow insurance
حلو جميل
يثبت ويوضح لون الايشادو
يخليه ثابت لمده اطول
ينعم سطح الجفن ومايخلي الايشادو يتجمع عند الكريس اللي كسره العين
حسيته مشابه لبرايمر اربن ديكاي نفس المفعول
ومثل ما شايفين جماله وحلاوته
سعرها ب ١٩٠ ريال
وجدا اعجبتني واحب الاحجام الميني احس ودي كل شي ميني صراحه لان استفيد منهم اكثر وما آمل من المنتج
وبس هذا اللي عندي واي سؤال اكتبوه بالتعليقات
ليست هناك تعليقات:
إرسال تعليق