مرحبا ..
كيف رمضان معاكم
عني قبل لا تسئلوني الى الحين الاوضاع تمام
صحيح شوية تعب وعطش بس كلووو ع آجر ونحتسب للجنه يارب
اليوم جبت لكم وصفه حلى من زمان خاطري فيه بس يا آن الكسل ذابحني وكل يوم اليوم
الى ان جا يوم كنت معزومه فيه وكنت حابه اخذ شي معاي ..
فا فرصه اني اسووويه
وتيراراراااا سويته وطلع سهل بس مدري ليه انا مصعبتها ههههه
المهم القوا نظره عليه
وبعدها نزلوا شوفوا المقادير والطريقه
خلصتوا شفتوووووه؟؟!!!!
عجبكم؟؟؟!!!
يلا نزلوا كملوا وشوفوا مقاديره وطريقته
المقادير لعجينة التارت :
- بيضه
- زبده ١٥٠ جرام بارده غير مثلجه
- كوب سكر ناعم
- رشة ملح
- فانيلا
- كوبين طحين
نحط بالخلاط كل المقادير مع بعض ونخلطهم كويس لمن نحصل ع فتات عجينه لكن طررريه اذا جمعناها تتجمع واذا حسيتيها ناشفه ضيفي ملعقة مويه باااااااارده لازم بارد
وهذا شكل العجينه بعد ما جمعتها تكون طريه وتتشكل
نخليها ترتاح شوي بالفريز مده ١٠ دقايق بس
ونكون احنا جهزنا اطباق التارت اللي حابين تسوونه حجم كبير او تسوونه ميني
انا سويت الاثنين وحبيت الميني اكثر لانها اذزب واحلا بالاكل ..
بعد ما ارتاحت العجينه نطلعها ونفردهها بالقوالب
وهذي شكلها بعد الفرد بالكبير والصغار
طبعا مره مره مهم نسوي في عجينه التارت ثقوب الشوكه لتفادي انتفاخ العجينه لان نبيها مسطحه فا بشوكه ثقبي فيها لمن تقولين آمين هههههههههههههههه
ونرجعها شوي الثلاجه عالبال مانسوي خليط الكآسترد
ومقادير الكاسترد سهله ومايبي لها حاجه
تاخذين حليب
وكاسترد وشوي فانيلا سايله
وسكر وتخلطينهم وبعدين ع النار الى من يثخن ويثقل الخليط ونخليه يبرد تماما
بعدها ندخل القوالب ابلفرن مده ربع ساعه ع حراره ١٨٠ حتى تتحمر او تشقر شووي
صحيح نسيت ممكن تفرشون ورق زبده ع سطح التارت وتحطون حبوب حمص او فاصوليا
هالطريقه كمان ماتخلي السطح يرتفع وينتفخ
بقية الصور تتكلم وواضحه
وبس تزينيننها باللي تحبين
تشوكلت فواكهه
تشوكلت شيبس
انا هذا اللي كان عندي
فراوله وتوت بري وراز بيري وتشوكلت شيبس
حابين تصبون عليه سيرب تشوكلت كمان يمشي
مثل ما قلت لكم التزيين اللي بخاطركم
وبس اتمنى نال ع رضاكم
وبس مع السلامه ..
ليست هناك تعليقات:
إرسال تعليق