السلام عليكم والرحمه ..
ها شفتوا الصوره اللي فوق؟؟؟!!
عجبتكم كملوا لتحت علشان تشوفون الوصفه
ماحبيتوها قفلوها وروحو تفرجوا ع مواضيع المدونه هههههههه
المهم هذي طريقه زهره مقليه معها تغميسه بصوص بنكهه المانجو
اتعب وانا اقول لذيذه وحبيتها وتنفع طبق جانبي وبيحبوها الصغار والكبآآآآآر
يلا ع الطريقه والمقادير
نقطع الزهزه قطع متوسطه ونغسلها ونسلقها في مويه نص سلقه يعني نص استواء
بعدها نخليها نبرد شوي ونغمسها بطحين وبعدين بيض وبعدها خبز مطحون (بقسماط)
بالبيض حطيت بهارات ملح فلفل ابيض واسود وبابريكا واوريجانو وخلطتهم
هذا صوره علبه الخبز من فرشلي اخذت بالطريقه الايطاليه لانه يجي فيه نكهه حلوووه
بعد مانخلص تغميس نخليها بصحن وندخلها شوي الفريز حتى تتماسك الخلطه عليها وفي القلي تكون مرتبه وفوق كذا تعطي قرمشه رهيبه ولون جمييييييل
انا قليتها في قلايه فيليبس بملعقة زيت وطلعت رووووووعه وخفيفه جدا جدا
والحين طلعت منها اصدارات جديده انصحكم فيها صرراحه
وهنا بعد ما استوت وخلصت وصفيتها بصحن التقديم
نيجي للصوص او التغميسه حقتها
حبتين مانجو حجم وسط
ليمون
كزبره او ممكن بقدونس
عسل
ملح
فلفل اسود
كمون
مايونيز
كلهم ع الخلاط حتى يصير قوامها ناعم وسمووووث
ونبردها ونقدمها مع اي نوع مقليات تكوون لذيذه وحلوه
وبس مع الف سلاااااام
ليست هناك تعليقات:
إرسال تعليق