الخميس، 22 فبراير 2018

shampoo inecto coconut ..شامبو انكتو بالجوز الهند من بوتس



السلام عليكم والرحمه ..
تدوينة اليوم عن منتج عناية بالشعر وهو شامبو من شركة انكتو موجود بصيدلية بوتس
استخدمت الشامبو و التريتمنت هي تجي مجموعه كامله الشعر والبشرة من مرطبات للوجة واليد والجسم وزيوت وبلسم وقناع للشعر ..





تريتمنت الشعر ب جوز الهند :



هذا التريتمنت للشعر يستخدم وانت بالشاور يعني ينغسل نفس مفعول البلسم بس يكون علاجي .. تجربتي معاه عاديه جدا ما حسيت باختلاف فيه عن البلسم ..
لكنه مو سيء بس ما اعطاني نتيجه حلوه ارجع اشتريه ثاني ممكن اخذه في حال ماشفت شيء عجبني 
فيه ١٥٠ مل
سعره حول ٢٠ ريال لكن انا اخذت الشامبو التريتمنت بعرض تاخذين قطعه والثانيه مجاناً ..



شامبو الشعر ب جوز الهند:



الشامبو ينفع للشعر المعتدل او العادي حبيته اكثر من التريتمنت حلو ينظف الشعر كويس وريحته حلوه و ما يجفف الشعر كثير يعني اعتبره كويس خصوصا ان نوعية شعري الشعر جاف والفروه دهنيه ..
حجمه اعتبر حجمه حلوه بالنسبه لسعره فيه ٥٠٠ مل وسعره حول ٢٠ ريال تقريباً ..
الصيدلاني نصحني لنوع شعري بمجموعة الارجان لكن وقتها كانت مخلصه وشفت هذي قلت اجربها لاني كنت مضطره ابي شامبو ..
قال لي بيسبب لك قشره ممكن لانه مابيناسبك لكن الحمد لله خلصت العلبه كامله وماشفت قشره صارت لي بالعكس حلو ..
يرغي بشكل مضبوط ..
مكتوب عليه ان مكوناته ٩٠٪ طبيعيه ..
ممكن ارجع اشتريه في حال ماشفت شامبو مناسبني غيره ..
تلاقون هالمجموعات في صيدليات بوتس
انصحكم خذو هالمجموعات ايام العروض لان يسوون عرض خذي قطعه والثانيه مجانا او خذي  منتجين والثالث مجاناً ..


وبس هذي تدوينتي البسيطه الخفيفه اللطيفه اتمنى تعجبكم ولو عندكم اي سؤال اكتبوه وراح اجاوبكم انشاء الله ..

هناك تعليق واحد: