تجربتي مع منتجات ingredients من صيدلية بوتس boots

مرحبا بنات كيفكم ..

ريفيو اليوم عن تجربتي لمنتجات من صيدلية بوتس  ingredients طبعا بوتس عندكم منتجات كثيره بمختلف اسماد الشركات او البراند نفسه ..
انا جربت شامبو و ليف ان كوندشينرز (بخاخ للشعر بعد الاستحمام)

عندهم مجموعات كثير وانا اخذت اللي باللوز وجوز الهند ..
راح اتكلم اول شيء عن الشامبو :

الشامبو مكتوب عليه انه للشعر الجاف  و العادي ..
لكن انا طبيعة شعري الفروه دهنية واطراف الشعر جافه ومكونات الشامبو اللي هي لوز و جوز الهند مفروض ترطب الشعر لكن انا اللي حصل معي العكس تماما .. الشامبو جفف لي شعري بشكل مو طبيعي وصار ينفش اكثر  والشعه نفسها ماتهجد دايم طايره  والفروه صارت تجف بالبدايه وتفرز دهون اكثر بيوم ثاني  .. باختصار ماناسبني ابد ابد ابد .. توقعت ع الاقل احصل لمعه او حيويه لشعري لكن ماحبيته ولا تصالح مع شعري ابدا ...

مكتوب عليه ان في اكسترا لوز و كوكونت ومعروفين هالمكونين في الترطيب لكن مثل ما ذكرت فوق .. ماراح ارجع اشتري منهم ابد وما انصح فيهم  للي شعرهم جاف  ..
وبعدها قرأت محتوياته فيها سولفات وما انتبهت حق هذا الشي الا بعدين ..

سعره رخيص جدا وانا اخذته وقت عروض كمان ..

التعليب عادي جدا وبسيط زي ما انتوا شايفين

كميته لا بأس فيها ٣٠٠ مل 

صالح لمدة ١٨ شهر من تاريخ فتح المنتج

تصنيع المنتج في تايلند ..

أما المنتج الثاني هو البخاخ من نفس اللاين والنوع يستخدم بعد ماتطلعين من الحمام وتجففين شعرك بالمنشفه تبخينه يعطي رطوبه للشعر وشغله نفس شغل البلسم لكن هذا ماينغسل ..

طبعا هالمنتج بالنسبه لي عباره عن مويه معلبه فقط لا اقل ولا اكثر ماله داعي بالحياه هههههه جد يعني ما افادني ب و لا حاجة لا ترطيب ولا نعومه ولا لمعه .. بس يسوي الشعر رطب مويه هههههههه
اللهم ريحته نوعا ما حلوه فقط .. يعني خساير ع الفاضي هههه واضح مقهوره منه

المهم نفس الشامبو سعره رخيص
وتعليبه عادي جدا
وتاريخ صلاحيته ١٨ شهر من تاريخ الفتح
فيه ١٥٠ مل
وتصنيع تايلند


طبعا هالمنتجات هذي تحصلونها فقط حصريه في صيدليات بوتس بجميع فروعها لانها هي الاونر حقها ..
وبس والله تدوينه جدا قصيره وخفيفه وكلها تحلطم ههههه بس لاني زمان مانزلت تدوينات ..

اشوفكم بتدوينه ايجابيه وجميله انشاء الله ..
في امان الله ..