فطر محشي بالجبن

السلام عليكم ..

من زمااااان مانزلت لكم وصفات من مطبخي لكني من فتره طويله مصوره الصور قلت انزلها ممكن تستفيدون منها ..

هي تصنيفها من المقبلات والاطباق الجانبيه ..

بالنسبة لي لذيذه بشكل واعشقها وهالطبخه هي اللي حببتني في الفطر او المشروم الطازج ..

خلينا ندخل بالمقادير ع طول وهي سهله ومتوفره بكل بيت والحلو انها ماتاخذ وقت ولازم تقدمينها ساخنه يعني سويها بس دخليها الفرن قبل التقديم بدقايق ..

المقادير:

6-7 حبات فطر طازج أو حسب الرغبة ويفضل يكون حجمة كبير او متوسط ..
جبنة شيدر مبشوره
جبنة موزريلا و ممكن استخدام جبنة الباراميزان ..
بقدونس مفروم ناعم
زيت زيتون
ملح
فلفل اسود وبابريكا
جوز البيكان أو صنوبر

الطريقة :
نغسل الفطر كويس ونخرج عود الفطر  ثم نملح ونبهر الفطر بالملح والبابريكا ، نحشو الفطر بالجبن والبقدونس ونضع الجوز أو الصنوبر فوق الحشوة ويوضع في صينية الفرن ويرش بزيت الزيتون ، نضع الطبق  في الفرن  مدة 20-30 دقيقة حتى يصبح الفطر ذهبي اللّون ونرش البقدونس  أيضا كـ إضافة جماليه..

يمكن تقديم الطبق مع طبق رئيسي أو طبق إضافي للسلطة  هذه الوجبة
بسيطة ولذيذة ع ضمانتي اللي يحب المشروم الطازج أتمنى عجبكم الطبق واذا طبقتوه خبروني بتاق او منشن ع الانستا