السلام عليكم والرحمه ..
ياصباح ويا مسسساء الفل ..
شالاخبار ايش مسووين انشاء الله تمام
اليوم تدوينتي غير شووي عن كل مواضيعي هالمره جبت لكم موضوع كنت اعاني منه سابقا بشكل ممل ورتيب وهو عن قطعة واير لس للكام اللي مافيها اساسا واير لس او الكام نفسها ماتتوافق مع الذاكره او الميموري اللي فيها واي فاي .. لاني سبق اخذت الذاكره وما اشتغلت عالكام النيكون لكنها اشتغلت ع كام الكانون .. طيب ايش السبب اشتريتها لان الموضوع سابقا كان يكسلني اصور وانزل الصور واعدلهم وارجع ثاني ارفعهم كانت العمليه صعبه صعبه وممله خصوصا اني اشيل الذاكره من الكاميرا كثييير وبشكل يومي واحيانا اكثر من مره باليوم وهالشيء يعدم مدخل الذاكره بالكام ويأثر عليها ..
وغير ان الذاكره تتبهدل وتتكسر اطرافها اذا نحركها كثييييير وهالشيء ممكن نفقد المعلومات اللي فيها ..
طيب بدخل بالموضوع ع طووول بعد هالمقدمه الطوويله ..
إذا كان عندكم كاميرا مثلا نيكون أو أي كام وحابين طريقة التحكم بالكاميرا من خلال جهاز التاب أو الأيباد أو الجوال فالقطعة هذي هي الحل الأمثـــــــــل :
Nikon WU-1a Wireless Adapter أسمها :
طبعا الكرتونه كبيره والقطعه قد النمله نتفه لو ضاعت عليها السلام ماتشوفينها بسرعه هههه ،، المهم يجي بالكرتون القطعه وحافظه صغننه تقدرين تعلقينها ع سير الكام علشان تحفظينها من الضياع
وخيط تعليقه تعلقينه ع نفس القطعه علشان لو حابه تشيلينها معاك بيدك
والاكيد يجي تعليمات معاها
هذي شكل القطعه عن قرب اخذتها من عمنا قوقل علشان تشوفونها أوضح :)
هذه القطعة خاصة بكاميرات معينة من نيكون و مجرد ما توصلونها بالكاميرا تقوم ببث شبكة لاسلكية ( وايرلس ) ووتقدرون تستخدمون جهاز التاب أو الأيباد أو الجوال للاقتران بهذي الشبكة بس قبل الاتصال لازم تحملون هذا البرنامج بأجهزتكم علشان تقدرون تشتغلون عالبرنامج وتتحكمون بالكام عن طريقه :
Wireless Mobile Utility أسم البرنامج :
وهذي صوره لايقونة وواجهة البرنامج
و من خلال التطبيق تقدرون تلتقطون صور من الكاميرا وتتحكون بالفوكس والتركيز ع الهدف وتضغط زر الالتقاط من الجوال و يتم عرض الصورة مباشرة وقبلها تضبطون سرعه الغالق والزوم والشتر وما الى ذلك
أو
اختيار تصفح الصور اللي بالذاكره وتنزيلها ع الجوال او الجهاز اللي حابين وسرعتة التحميل جدا سررررررريعه وممتازه .. صرت ما اشيل هم اصور وانزلها واعدل عليها بجهازي وانا مرتاحه ..
عيب الوحيد اللي فيها ان لو كانت موصوله بالكام وبتصورين ع وضعية المشاهده من شاشة الكام ما تصور الا اذا فصلتيها او انك تصورين من العين نسسسيت وش يسموونها هههههههه ...
قطعة Nikon WU-1a متوافقة مع الكاميرات : وتاكدوا قبل تشترونها اذا تتوافق مع اللي عندكم ولالا لان سعرها يعتبر غالي ع قطعه صغيره ما يتعدى حجمها ٢ سم مثل هذي مع ان شغلها اعتبره جبااااااار ع حجمها ،،،
Nikon D5200 - Nikon D7100 - Nikon D3300 - Nikon D3200
Nikon Df - COOLPIX P7800 - COOLPIX P330
COOLPIX A - COOLPIX P530 - COOLPIX P520
سعر القطعة ب ٢٥٠ ريال ومتوفره في محلات العبد الواحد ومواقع المختصه بقطع أجهزة التصوير
وأتمنى نالت التدوينه ع اعجابكم وافادتكم كنت بشرحها بتفاصيل اكثر وصور اكثر بس قلت اختصرها اذا شفت عليها اسئله بشرح واذا لا بستررريح :) طبعا حبيت اطرحها لان في ممكن ناس تحتاج هالشيء بقووه مثل ماكنت انا احتاجه سابقا والحين صارت المهمه سهله وبسييطه للي اصدار الكام حقهم مافيه واير لس وشكراً لمتابتعكم وتعليقاتكم.
ليست هناك تعليقات:
إرسال تعليق