يا مسااااء الاشواق ياروحي انت بلسم جروحي انت حبيب عمريي <<< دخلت جووو
يالله حيهم ويبارك فيكم ويسعدكم وين ماكنتوا يارب ..
هالتدوينه مفروض تكون قبل شهر هيك او شهرين بس تاخرت فيها معليش
بس لسى مافاتكم شيء باقي منها كثييييير ..
اليوم التدوينه عن بلشرات تارت لمجموعة الهوليدي لعام ٢٠١٥ ميلادي ،، ع فكره تارت تعتبر من البراندات الجديده لكنها اثبتت وجودها بفتره قصيره بسبب منتجاتها وقوتها واهتمامها بالبكجنج واستخدامها للمواد الطبيعيه والفيتامينات ..
وسبق وتكلمت عت باليت شادو تارتليت اذا حابين تشوفون الموضوع اضغطوا هنا
المهم نكمل ،، مثل ما انعرف اغلب البراندات نهاية كل سنة تسوي مجموعات اقتصاديه و باحجام مختلفه ومرات منتجات جديده تصدرها بنهاية السنه ،، وعادة تكون اصدار محدود يعني فتره وخلاص ماعاد تشوفينها ..
فا هالبلشرات من ضمن المجموعات اللي انطرحت تيجي طقم بكرتونه فيها اربع علب الوان بلشرز بحجم ميني (صغير)
الألوان هذي مثل ما قلت إصدار محدود ... لكن تقدرون تشترون البلاشر بألوان ثانيه لكن بالحبه و بحجمها الطَبيعي
أسم البلاشر عندهم : Tarte Amazonian clay 12-hour blush
وهون الاربع الوان مجتمعه عندهم اجتماع ونقاااش خخخخخ امزح :)
راح اكتب لكم عن الالوان واسمائهم وايش افضل لونين حبيتهم اكثر شيء مع ان الصراحه انا حبيتهم كلهم بس لازم الوان تكون مقربه ومحببه لقلبك ويكون من مفضلاتك
معليش حسيت اني ظلمت الالوان بالتصوير بس تقريبا اعتبرها مقاريه للطبيعه
فيه الوان تحسونها قوويه او صارخه بس هي بالواقع اذا حطيتيها ع خدك ودمجتيها تشوفينها حلوووه وطبيعيه
الحلو فيها انها سهله الدمج لون طبيعي تكه ع الفرشه يكفي اللون ..
فيه بالبكج لونين فيهم شيمر خفيف ولونين مات (مطفي) يمكن اول ماتفتحون العلبه بتشوفون اللمعه بتخافون بس تراها حدها حدها ناعمه وماتبين ع الخد
بالنسبه للبكج مثل ماقلت سابقا العلب صغيره جدا سهله الحمل بالشنطه والسفر ومافي بالعلب مرايا اول شي حسيتها مهمه بس قلت لا مو عيب هذا
يلا دنخل نشوف الالوان
اسم اللون : Entertain لون لمعه لكن مثل ما قلت لمعه خفيفه جدا تكاد تذكر تقريبا هاللون بنك (وردي)
اسم اللون : Ecstatic لون مطفي (مات) جمييييل جمييل احب هاللالوان اللي تجي هيك تكه منه بالفرشاه تكفي لا تتحمسون وتاخذون كثير وادمجوه كويس يطلع بيرفكت :
اسم اللون: Epic لون مطفي (مات) هذا للون اعشقه التون حقه دافي اخليه بشنطتي ع طوول احس يناسب كل الاوقات ..
اسم اللون : Embellish اللون فيه لمعه فيفه ناعمه لونه بيتشي نيود هيك مشمشي ع نتفة وردي حلو وخفيف ينفع للصيف يعطي لوك وطله صحيه ..
سواتش للبلشرز من النت من مدونه اجنبيه
هوون لاشكال البكجنغ (التعليب ) يجي مزخرف وهيك ولكل مجموعه هوليدي من سنه الى سنه ثانيه يغيرون بالزخرفه وكيذا علشان نميز ان هالكوليكشن حق السنه الفلانيه
وهنا عادة اشكال التعليب ع مدار السنه ويغيرون فيها كمان بس هذي الاساسيه عندهم
نجي لخلاصة الموضوع هل لازم تكون عندك ؟ لا طبعا مو شرط للي تحس انها غاليه عموما اسعارهم بالموقع ابدا مو غاليه بالعكس اذا طلبتيها بنفسك والحين تارت صار يوصل للسعوديه ..
انصحكم فيهم للي تحب يكون عندها تنوع بالبلشرز وخصوصا انها مجموعه اقتصاديه وكمان ع كلامهم انها تتكون من مكونات طبيعيه اللي هي الطين الامازوني وفيتامينات ومعادن طبيعيه وانها تعالج مع الوقت مع اني ما اصدق اي منتج مكياجي انه يعالج المهم انه ما يضرني بس هههههههه
وقلت لكم الاوان طبيعيه والتون حقه حلووو ويناسب السمراوات والبيضاوات << شرايكم بس باللغه حقتي :)
هل فيه بديل ع نهم بماركات ثانيه؟؟ نعم اكيييييد فيه الوان مشابهه يعني اللي مالحقت عليها ا، ماتقدر تطلب هو مافاتها نص عمرها اكيد بتلاقي بدائل بس انا اتكلم عنه كا منتج من تارت انه منتج كووويس وحلو
ثباته كمان حلو بس مو لدرجه ١٢ ساعه مثل ماهم كاتبين .
وبس هذا تدوينتي اذا عندكم سؤال او استفسار اكيد تقدرون كلكم تكتبونه تحت مو شرط يكون عندكم حساب بالبلوق
دمتم في حفظ الرحمن
مع السلامه
ردحذفاخبار السيارات
اخبار السيارات