مسسسسسآآآء \صبآآآآآآآآآآح الخير والطاعه ..
اليوم بنتكلم عن منتج من منجات بينفت ..
وهو هالشي اللي بالصوره :
هي شغلتها تعطيك حيويه بالوجه ونضاره وديوي لوك .. احسها تكمل الميك اب واللوك وتضيف له طله حلوه فيه كثير من الناس ماتفضل الاضائات عموما لان لو كان بالبشره عيوب او تجاعيد او كلف او مسامات واسعه راح توضحها زياده!!
وهالشيء صحيح فالللي عندها من هالاشياء اللي ذكرتها يفضل تبتعد عنها او تستخدمها لاماكن ثانيه ..
اغلب الاضائات طبيعيه وناتوريل وهذي من بنفت راح اتكلم عنها ..♥
مثل ما شايفين الصوره من الباكجينق عباره عن علبه فيها اضاءه ستيك صلبه مو زي اضائتهم الهاي بيم ..
تجي بعلبه بلاستيك ولون الاضائه لؤلؤي شامباني ع لون ذهبي تشابه اضائه ماري لو من ذا بآلم .. والشكل مستوحى من اللمبه مثل كل منتجات بينفت مهتمين بالشكل والتغليف الحلو و الكيوت
العلبه فيها فرشه اسفنجيه صغيره من تحت توزعين فيها الاضاءه انا ماحبيتها ابدا ابدا و ماعجبتني وصراحه تمتص الاضائه اذا جيت بستخدمها فاقمت استعمل فرشه ثانيه او اصبعي افضل بعد من الفرشه
النتيجه من استخدامها تعطي لوك صحي ومنعش ورومنسي كأنه لمعه طبيعيه والاحلى انه مافيها القلتر او اللمعه البراقه هههههههههههه اللي نشوفها كثير باضائات.. وهالشي يخليهاحلو كا استخدام للصباح وكمان للمساء...
دمجها سهل وسلس وسريع فقط توزعين الاضائه على المناطق اللي تبينها مثل عظمة الخد و الانف او ماتحت الحواجب او الذقن او اي مكانحابه تنورينه وبعدها تدمجينها ع الخفيف ...
شكل العلبه زي القلم يساعد ع التوزيع وراح تمشي معك على طول بكل سهوله .
والحلو فيها كمان أنها تناسب جميع الوان البشرات السمراء والبيضاء والحنطيه .
سعرها ١٤٥ ريال صحيح غاليه حبتين بس تستاهل التجربه .
متوفر في محلات فيسزز ٬ سيفورا .
ليست هناك تعليقات:
إرسال تعليق