السلام عليكم .. كيفكم؟؟؟؟؟ ان شاء الله منيحين وكذا؟؟؟
اليوم سويت باااااااستاااا لذيذه وسهله ومره يمييي..
كثير سويت وصفات مره تضبط ومره لا ... او اتعيجز اسويها لان الخلطات اللي معاها يبي لها وقت و مجهود وغير كذا ما يبقى طبق وقدر وصحن ما يطلع علشان بس اسوي هالباستا ..
المهم ماراح اطولها وهي قصيره .. ندخل طوالي على المقادير والطريقة ....
المقادير :
- مكرونة قودي آجراس او اي شكل تحبونه ...
- ملح ..
- ملعقة زيت طبخ ..
- مويه للسلق ...
وبعدها نحط مقادير الخلطة في الخلاط ونخلط :
مقادير الخلطه:
- ٤ حبات جبن كبري
- جبنة شدر حسب الرغبة
- ربع كوب حليب
- بابريكا .. ملح .. اوريغانو .. كزبره ناشفه بودر .. فصين ثوم
- جبنة موزريلااااا
ونخلطها الى ان صارت اوك واذا حسيتيها غليظه نضيف شوي من المويه الباقي من سلق المكرونه
.. وبعدها تكون المكرونة استوت نصب الخلطه عليها ونقلبها على النار على السريع نضيف شوي صلصله حمرا انا حطيت صلصة ثلاث اجبان ممكن اختياري للي ما يحبها ..
وبهذي الطريقه تكون جاهزه للتقديم وسهله وسريعه ويحبوها الصغار قبل الكبار .. طبعا ممكن تضيفون معاها خضار لو حابين مثل شرايح الكوسا او فلفل رومي بارد او بروكلي او اي حاجه تحبونها .. بس انا اللي عندي ما يحبون شي هههههههههههه...
اتمنى انها نالت رضاكم و اتمنى اذا طبقتوها تقولون لي رايكم فيها ...
ليست هناك تعليقات:
إرسال تعليق