السلام عليكم والرحمه
كيفكم أخباركم ؟
هالموضوع بيكون عن مشرياتي من موقع ايهرب كالعادة هالمره مشتريات بسيطه والاغلب منها مامره جربتها بس سمعت مدح كثير وعالي عليها فا قررت اجربها واشوف قد المدح ولا لا وهالمره ما اخذت شيء حيره الاغلب محتاجته ..
خذوا مني كود خصم للطلبات الجديدة : WHS031
نبدأ ع بركة الله :
أول منتج كنت محتاجة قلم كحل أسود اللي عندي بيخلص وطلبت من ايهرب هالقلم بس للاسف حطوا لي لون بني :( ف قلت بستخدمه للحواجب او اذا ما ابي لون حاد بعيوني ..
ثاني منتج هو روج طلبته ع انه لونه احمر ع اورنج بس لونه احمر يجي مثل الحبر ثباته قوووووي ومايروح بسرعه يعني مثل ما هو مكتوب عليه انه حبر أول مره أجربه و جبت واحد ثاني لاني ناويه ارتب قيف اواي لكم اذا استعدت نشاطي الالكتروني :)
مناديل ازالة المكياج من إيلف أول مره أجربها كمان لكن كنت محتاجة مناديل فقررت اجيبهم واستخدمتهم وعجبوني وراح اكتب عن رأيي فيهم قريب ..
كمان مناديل ازالة مكياج بجوز الهند ما قلت لكم عندي احتياج لهم وفعلا قريب خلصت نصه لان فترة العيد وميك اب مثل اتعرفون فنحتاج شيء سريع وكمان قريب بكتب لكم عنهم ..
مرطب الشفايف بشمع العسل جربتهم سابقا وحبيتهم فعلا ترطيب حلو وعميق وطلبت الباكج كامل رخيص جدا مايتعدا ال ٤ ريال في يجي بكج متنوع بنكهات وفيه نفس اللي طلبته هذا وطبا وزعت منه للعائله وانبسطوا منه ههههه
كمان مرطب الشفايف الشهير كرمكس كثير تكلموا عنه البلوقر كيف ترطيبه قوي خصوصا اللي يعانون من الجفاف وتشقق الشافايف ولاني بفترة الحمل اعاني من جفاف شديد بجسمي وشفايفي دايم متشققه وجافه احتاج ترطيب عميق وقوي واخذته علشان اجربه جربته حليوو وحار شوي ههه لكن باقي اشوف نتيجته كيف ...
طبعا مشترياتي راح تلاحظونها كلها عناية وترطيب وشفايف ههههه و علشان هيك طلبت مقشر الشفايف من ايلف اخذته كمان للقشور اللي عندي واول تجربه لي معاه وانشاء الله اقول لكم اذا يفيد ولا لا
ماسك مرطب للاقدام كوري للاستخدام مره وحده يجي ع شكل جوارب مامره جربته وكنت بستخدمه للعيد لكن للاسف انشغلت وما امداني ف هاليومين انشاء الله راح اسوي لي جلسة ريلكس واستخدمه طبعا بالاوفيرا وعارفين ترطيب وفايدة الصبار للبشرة ..
فرش الشفايف للارواج من ريل تكنيك يجي فرشاتين مع بعض لتحديد وتلوين الشفايف لسى ماجربتهم لكن هالفتره انا استخدم باليت ارواج انستازيا واحتاج فرش واخذتهم وسعرهم حلوو كمان ..
مناديل تنظيف الفرش من إيلف هذول حبيت فكرتهم لو كنتي مستعجله او مسافره ينفعون للتنظيف الفوري ينظفون الفرش حالا من اللون لكن مانتعمد عليها كلياً حبيتها للسفر ماتاخد مكان وحيز وبدل البخاخ اصغر للحجم .. المنديل رطب وينظف مضبوط ..
زيت الارقان (الارجان) من ناو مو اول مره استخدمه ولا هو الافضل طبعاً بس اخذته لانه خفيف للشعر واحيانا استخدمه كـ سيروم لاطراف الشعر بعد الشاور يعطي ترطيب بدون مايدهن الشعر يعني تكون مسحه خفيفه ع الاطراف والوضع تمام ..
سيروم الشعر من تو شيك مجربه من قبل من نفس الشركة بخاخ حامي الحرارة سبراي وكان حليووو عجبني انه ما يدبق بالشعر وطلبت هالمره السيروم نجربه .. حلووو ترطيبه بس ماينفع نكثر منه لانه يدهن بالشعر قوامه كثيف ..
طبعا بتشوفون اني مكثره زبدات وزيوت هههه لاني محتاجة بحملي ارطب وخايفه يطلع عندي خطوط بالبطن ف قلت احارب هالشيء بالترطيب لعل وعسى ماتطلع .. ف اخذت هذي العلبه كنت متوقعتها كبيرة لكن طلعت نتفه وصغننه لكن سعرها رخيص اتوقع عشرة ريال لكن جربتها ترطيبها حلووو ويتوزع بسرعه مع حرارة الجسم ..
زبدة الكاكاو من بالمرز للسترج مارك اي للخطوط والتشققات وعلامات التمدد بالجلد كثير شفت ريفيو عليها وطلبتها العلبه مو كبيره لكن ترطيبها عميق راح اكتب لكم عنها قريب ..
زيت زبدة الكاكاو من بالمرز مو اول استخدام رهييب رهييب سبق وتكلمت عنه كثيييير ترطيبه للجسم اخذته طبعاً لجسمي وبطني خصوصا هالفتره لاني احتاج ترطيب ويخفف لي من ظهور التشققات ..
شامبو للشعر من ديرما - ايه للشعر الدهني الفروه الدهنيه خصوصا شفته عند البلوقر سناء تمدحه وطلبته لان فروتي دهنية جدا والاطراف جافه الغلطه اللي سويتها ماطلبت معه البلسم لكن فعلا تنظبفه حلو للدهون وتحسون ان الفروه تتنفس راح اكتب لكم عنه بالتفاصيل بس يقرب يخلص ..
شامبو للاطفال أخذته لبنتي بالعسل والشيا والارجان طبعا بتشوفونه بدون غطا هههه لكن ولدي الله يصلحه عطيته يجربه وضيع لي غطاه من اول مره وانشاء الله اغير علبته .. المهم جربته لبنتي وولدي حبيته مايجفف الشعر يعطي شوي رطوبه ويلين الشعره ينفع شامبو وينفع بودي ووش يعني لتنظيف الجسم كمان
صبغة من هيرب تنت تكلمت عنها بموضوع مفصل كنت محتاجة صبغه تغطي لي الشيب وشفتها قدامي وطلبتها بلون داكن راح تشوفون التفاصيل بموضوع مستقل انشاء الله ..
وبس هذي مشترياتي من ايهرب مؤخرا اتمنى تستفيدون من البوست ولو حابين تطلبون من اللي موجود الرابط موجود للوصول بشكل أسرع .. كمان كتبت لكم كود الخصم يخصم لكم ع أول طلب ..
الرابط لسلة المشتريات :
وأي سؤال أو تعليق راح اجاوبكم
و سلامتكم ..
ليست هناك تعليقات:
إرسال تعليق