#سلسلة المفضلات.. مفضلات لشهر مارس |March Favorites 2017 |

السلام عليكم والرحمة

كيفكم أخباركم

اليوم جيت بتدوينه جديدة في مدونتي وهي اني راح ابدأ بإذن الله سلسلة مفضلات شهرية أتمنى تعجبكم وتستفيدون منها ..

راح أبدأ بالشهر هذا وهو مفضلاتي بشهر مارس ..






 منتجات البشرة :

 أول شي أعجبني ومن مفضلانتي مرطب كيو في النهاري ترطيبه جميل وطبي وغير معطر صرت استخدمة ع طول وناويه اجيب منه الحجم الكبير  تحصلونه في صيدليات النهدي

  بخاخ الوجة من نايتشرل ريببليك بجل الصبار عششق عشششق عششق مو طبيعي حبيته جدا وفادني كثير وبشرتي تحسنت عليه وزاد من فعالية الترطيب لاي كريم اوزعه وابخ منه متى ماحسيت أبي انتعاش او تعرضت للحرارة ويوم سافرت اخذته معي ومرا استفدت منه انصح فيه كثير وتلاقونه عند خلود ستايلي شوب وهذا حسابها بالانستا 


منتجات المكياج :

كونتور لوراك حبيته هالشهر وصرت استخدمة كثير وكتبت عنه تدوينه تلاقونها  هـــــــنا 
فيه مميزات وعيوب الا اني حبيت فيه اشياء كثيرة  تلاقون رأيي زي ما قلت لكم بالتدوينه ..

 برايمر ميك اب فور ايفر الاسود عذرا المنتج مو نظيف بالصورة بس عجزت انظفه مايروح :)
المهم المنتج حبيته وصرت مااستخدم الا هو بهذي الفتره مرا ناعم وسموووث ويخلي الوجة قطعه وحده وهذا الحجم الميني اخذته من سيفورا دبي وبنات اللي يتابعوني سناب يعرفون شقد احبه ودايم اتكلم عنه ..

 تنت الوجة أو لمعه الوجة من بينفت هالفتره ما استخدم اي فاونديشن الا وخلطت معاه هالشيء رههههيب واكيد حفظتوني اني احب البرونز هي لمعه برونزية اما تلخطينها مع فاونديشن يعطيك لوك ديوي او توزعينها اماكن البرونز او تحطينها ع عظمة الخد كاضائه هي سايلة لكني انا في حالة عشق معاه وصرت اوزعه لحاله بدون فاونديشن ع وجهي ويعطي نضارة

 فاونديشن بورجوا اير مات من مفضلاتي هالشهر وصرت استخدمه تقريبا يوميا  وهو ينفع كمان لسهرات صراحة تغطيته وسط الى فل اذا بنيتي عليها ناااااعم ودمجة سهل وثباته وسط واخذت درجة كمان اغمق مني جاية ع برونز

 كونسيلر مابيلين صرت استحي اتكلم عنه واجيب طاريه من كثر ما اتكلم عنه هو من مفضلاتي لكل الشعور مو بس هالشهر احبه من كل النواحي وماشفت منه عيوب ابدا ..

المنتج الثاني هو مسكارا الحواجب من بينفت يوميا مع رسمي للواجب استخدمها ماضرت حواجب بالعكس تثبتهم وفيها لون تخفف من غبار البودرة وكمان تقدرين تستخدمينها لحالها ترتب وتمشط الحواجب


منتجات الشعر  :

 بخاخ يحمي الشعر من حرارة الاستشوار والاستريتنر اعجز واقول عنه رهيييب وحلو يحتوي ع خلاصة زيت الارجان والاحلى مافيه ريحته وانه مايدهن الشعر 
يغلف الشعره وماتحترق من الحرارة وكتبت عنه ريفيو في الانستا اذا حابين تفاصيل أكثر واخذته كمان من ستايلي شوب

زيت نوكس هذا الزيت متعدد الاستخدم للشعر والبشرة والوجة ولكل شيء مايعطي مظهر دهني او زيتي لكن لاحظن انه يعطي في حال كمان زادت الكمية خفيف تتشربة البشرة او الشعر بيسسرعه
انا استخدمته لشعري صراحه كاسيروم بعد ما اطلع من الشاور حبيته لانه خفيف ويعطي لمعه للشعر وكمان يعدي نفشة بعد ماتطلعين من الشاور وخليته بديل للسيرومز اللي استخدمتهم .

 مشط او بروش تراينجل تييزر هذ الحل لتشابك الشعر  وعدم تقطيعه
بصراحه احلى اختراع للشعر طحت عليه والحلو تستخدمينه والشعر رطب هو ماله علاقه بالتساقط لكنه ما يقطع الشعر في حال كان متشابك وانتي بتمشطينه وكمان ناعمه ع الفروه ماتجرحه ولان شعيراتها سيلكون ماتجمع لا بكتيريا ولا جراثيم وسهلة التنظيف وكمان تقدرين تغسلينها  وهالمنتج حصل ع براءة اختراع
وفعلا يستاهل ماندمت اني جربته وتلاقونه في صيدليات بوتس والتاجرات يوفرونه

بخاخ الشعر من تريسمي يهدي النفشة والشعر المتطاير يحتوي ع زيت الارجان المغربي  يساعد ع تسريح الشعر
ويعطي لمعه خفيفه
استخدمه لي ولبنتي حبيته وبرجع اشتري منه ثاني كمان ممكن لو بخيتوا منه كمية زيادة يدهن الشعر لكن خليكم معتدلين .. وتلاقونه باغلب السوبر ماركت الكبيرة .


منتجات متفرقة :

 بخاخ المنطقة الحميميه من فيم فررريش مخصص لمنطقة البكيني والملابس الداخليه احبه انتعاش مو طبيعي وريحة جميله صيحي ريحته مو ثابته لكن احساسه جميل ونظافة وكل شي وكمان كتبت عنه ريفيو بالانستا وانا استخدمه بشكل يومي ومرات اكثر من مره باليوم

 عطر من كينزووو فخامه ع جمال ع كل شيء توني هالشهر طحت عليه ع ان اصادار العطر مو جديد لكن مدري ويني عنه من زمان
ينفع مع بخوووور حسيته يصلح لعرووووووووس عجبني بقوه انشاء الله ناوية اجيب منه الحجم الكبير


وبس والله هذي مفضلاتي لهذي الشهر أتمنى عجبتكم وتسفيدون منها وأي سؤال عن أي منتج أكتبوه بخانة التعليقات وراح اجاوب عليكم انشاء الله ..
هذي التدوينة بالتعاون مع البلوقرز ريما تشاركنا مفضلاتنا مع بعض وهذا رابط تدوينتها طلوا عليها وعطونا ارائكم :)

https://remabloog.blogspot.com/2017/03/2017-march-favorites.html

أشوفكم في تدوينه جديدة مع الف سلام :)