مســـــاء \ صباح الخيــــر
لكل شخص يحمل في قلبه ذره من الخيــر ..
انشاء الله دوم طيبين ومبسوطين ..
اليوم تدوينتي عن نايل بولش (مناكير) من موديلز أون
في الفتره الاخيره اشتهرت كثييير بالانستا وصار الكل يبي يجربها
لان واقعا عندهم درجات جمييله ومتنوعه بشكل واااسع وانواع كثيره وكمان بالفتره
الاخيره صارت الماركة هذي متواجدة باسواقنا كشكات وكذا
طبعا هي مختصه بالمناكير وكمان ادوات الرسم للمناكير وعندهم لاين مكياج وفرش وهيك ..
و أنا جربت منهم اربع الوان مناكير مختلفه انواعهم تقريبا ..
وعجبوني كا نظره أولى ..
طبعا مثل ما ذكرت سابقا الالوان تشوفون جميع التدرجات الالوان الداكنه والفاتحه والفسفوريه واللمعه والقيلتر والشفافه والمات (المطفيه ) يعني تقريبا اطلب تجد ..
طيب راح ابدأ بتجربتي مع الأربع الوان ..
الأول نوعه قيلتر
الثاني نوعه جل
الثالث لونه نيود بلمعه ذهبيه
الرابع لونه قصدير او رخامي كلما رجيتي العلبه يعطيك تاثير مختلف ولونه بينك هههه ماعرفت اوصفه
Models Own hyper gel nail polish in midsummer mauve
درجته:
ميزة هذا النوع أنه بتركيبة Hyper Gel يعني يعطي طبقة قوية ومايتقشر ، هو فعلا الطبقه سميكه وتعطي لون غني ومن طبقه وحده تكفي تقريبا بس يتقشر اذا اخذت اكثر من يوم وكمان اذا كنتي من النوع اللي يشتغل كمان يبدأ تتقشر الطبقه ..
من عيوبه أنه ماينشف بسرعه يعني حاله حال المنكيرات اللي تحتاج وقت ع ماتجف ،،
وغير هيك مع الاستخدام المتكرر منهم حسيتهم صراحه اضعفت اظافري كثير وارهقتهم ع اني استخدم مناكيرات من شركات ثانيه ووضعي اوك بس استخدمت هذي شفت تغيير باظافري ..
بس اجمالا االلون عاجبني وجميل والى الان استخدمه واحط منه ويناسب البشرات السمراء والبيضاء لانه يحلي اليد ..
طيب مهما بعدت بالالوان ارجع ثاني للالوان الطبيعيه والهادئه ،، هذي احسها من الاساسيات لازم تكون عند كل البنات لان هالالوان بيسك ماتتغير ولا تكون موضه وتنتهي ولا شي تضل الوان دايمه معاك ع طول ..
اخذت هذا اللون وانا شفته عند بلوقر تمدحه ورحت اركض بشتريه بس يوم وصلت شفت نفس الدرجه بالضبط بس معاه لمعه ذهبيه هيييك خفيفه حبيتهااااا واخذتها ،،
هذا تركيبته تختلف عن الجل اخف وارق منها وكمان شويات اسرع تنشف من الجل وماحسيت نفس شعوري ع اظافري انه غيرتها بس عشقته هاللون استخدمه دايم يحلي يدي بشكل كانك مو حاطه شي بس اظافرك جميله ..
من عيوبه ان اذا جيتي تمسحينه اللمعه الذهبيه ماتروح بسرعه تحتاجين وقت ع ماتروح بس اخيرا اللون يستاهل واذا مو حابين اللمعه خذوا اللي بدون لمعه
واسم الدرجه :
من عمر وانا اكره المناكير القلتر يا انها تلصق بالاظافر وتنشب وماعاد تروح ع ان شفت طرق لها باليوتيوب سهله وماتحتاج لا دعك ولا فرك بس هم احسه غثيث ع انها تبهرني الوانه واشكاله وعيوني تصير قلوووب اذا شفته بس اذكر المعاناه وابطل .. فا يوم شفت هالمناكير سحرررني سحررر ماقدرت اقاومه مدري ليش
مع اني كنت متخووفه منه مرااا انه ينكبني فوق انه يلصق كمان القيلترات اذا بتحطينها تمسحين ع اظفرك ماتشوفين الاخمس قيلترات لاصقه والباقي مافيه
تقهرني هالحركه جدا وتستفزني اجل ع ايش ساحرني هالسحر
بس والله والله ان هذا غيييير فرحت فرحت يوم جربته وشفته ماشاء الله يعبي الاظفر كله قيلتر يمكن بس تحتاجين منه مرتين ع الاظافر ويكون وضعك تمام
قوام السايل اللي فيه جل هذا اللي يساعد انه ياخذ كمية قيلتر اكثر
غير اللي يجيك سايل ينزل كله ..
من عيوووبه مو ثابت كثير اذا حركتي او حكيتي ظفرك يتفك قطع يعني سهل ازاله عن طريق الحك وكمان حتى عن طريق المزيل بس تحتاجين شوية صبر ..
اسم الدرجه :
اخر لون وهذا اللي حبيته بالمحل واتجننت عليه وخذته بدون تفكير وبعدها الوضع صار نص ونص بالبيت مدري ليش انصدمت منه مع انه التكنيك حقه حلوو هذا اللون مو حلو ع اظافر قصيره حسيته ع الطويله او الوسط افضل لانه راح ياخذ شكله الطبيعي ويبان احلى ..
اساسا تتكسر بسرعه فا كنسلت الموضوع
الدرجه هذي اسمها : chrome cerise np235
هاللاين هذا بسرعه ينشف اسرع من الباقي وحبيت هالشيء جدا والعيوب تقريبا نفس الباقي ماحسيت له عيب يذكر ويحدد ..
وصلنا الى آخر البوست واتمنى كان لطيف وخفيف واهم شيد مفيد لكم واي سؤال اكتبوه بخانة التعليقات وانشاء الله بجاوبكم
والمكان اللي اخذته منه من كشك بمجمع الظهران مول عند بوابة خمســــ ٥ــه واستغلوا اوقات تخفيضاتهم تطلع اسعارهم بطله ومرات يسوون عرض تاخذين واحد والثاني مجانا
وبس اشوفكم في بوست جديد انشاء الله
في أمان الله
معسلامه :)
السلام عليكم
ردحذفممكن اخد رقمك
انا من مدينة جده
ابغا ضرووري اللون الاصفر النيون
كيف اشتريه ؟؟
وانا لو حصلتي من وين الله يوفقك قليلي
حذفيوجد لدي من جميع الدرجات سعر الحبه بي ١٥
ردحذفانا بدي واحد لو سمحتي انا بجدة بدي اللون البيج كيف بقدر اخدو منك
حذف