طريقتي في الحمام المغربي .. Moroccan bath

 الســـــلام عـــليــكـــم والـــرحــمــــه ..

كيفكم ياحلوات ؟؟

تجهزتوا للعيد؟

باقي ايام قليله وينتهي رمضان ويقبل علينا العيد

وحبيت اعايدكم  من بدري

كل عام وانتوا بالف خير زوار ومتابعين مدونتي

ربي يعوده عليكم بالصحه والعافيه ..

وعلشان العيد قرب حبيت اكتب لكم طريقتي في الحمام المغربي يمديكم تسوونه خلال هاليومين علشان نتلقلق بالعيد والجسم والبشره نظيفه وناعمه وخالية من الجلد الميت والجاف والخشن ..

 

طبعا كلنا عارفين إن للحمام المغربي أهمية كبيرة في تبييض وتنعيم البشرة وتوحيد اللون .. ويعطي الجلد بريق صحي ولمعه  ويتخلص من السموم المتراكمه في المسامات ... كمان عارفين ان اغلب الصالونات تسويه بس حبيت اسويه بنفسي بالبيت  علشان اول حاجه الخصوصيه مع اني ما انكر اسوي بالصالون بس الاغلب بالبيت وكمان ثاني شيء نظافة وتعقيم الادوات المستخدمه ونوعها وجودتها ..

بكتب لكم ع السريع أهم فوائد الحمام المغربي:

 

- يمنح البشرة نعومة ورائحة جذابة بالإضافة الى الصفاء التام ..

- يعمل على إضفاء الحيوية و النضارة للجسم ..

- يؤخر ظهور التجاعيد على البشرة ..

- يسهم في إخراج المياه الزائدة من الجسم، كما يساعد على إذابة الشحوم المترسبة على المفاصل لأن راح نستخدم التدليك كثير فا هالشيء يساعد في تحريك الدورة الدمويه ..

-يزيل الإرهاق العضلي والعصبي

ندخل في طريقة عمل الحمام المغربي:

الأدوات المطلوبة:

- صابون مغربي: عادة ًيكون لونه بني غامق قوامه مثل الجل أو الشحم ماعرفت اجيب تشبيه كويس بس يكون قوامه ثقيل وانتبهوا يكون أصلي ، وهو متوفر عند العطارين ..

- غسول الطمي أو اللي يسمونه المغاربه ( الغاسول ) ( الطين المغربي)  ويجي شكله كأنه حجر جاف بس يذوب بسرعه اذا تعرض للرطوبه ..
- ماء الورد

- نص ليمونه

- ليفة مغربية: تكون على شكل قفاز وهي خشنة نوعا ما علشان تساعد على تقشير الجلد الميت .. لوناه أسود والحين صار يجي منها ألوان ..

- حجر خفاف او فرشاة - مبرد  للاقدام اللي متوفر عندك ..

- حمام كريم مغربي أو قناع للجسم

- صابون بالعسل او صابون بالزيت الزيتون الطبيعي  أو الطاووووس أو أي صابون ترتاحين له يفضل يكون غير معطر

- كريم مرطب عميق للجسم ..

أشياء إضافيه:

- ماسك للشعر علشان نستغل الوقت لان راح تكون فروة الراس مع البخار تستقبل اكثر المواد الموجودة ..

- ماسك للوجه سواء جاهز أو تسوينه بالبيت ..

نيجي للخطوات الحمام المغربي: 

- نعبي  البانيو بالمويه الساخنه مع إغلاق كل منافذ الهواء علشان  البخار يعبي  الحمام بشكل كبير  ..مع  البخار تتخلص البشرة من الشوائب العالقة بها وتتفتح مسام الجلد

- تمددي داخل البانيو أو أوقفي تحت الشاور اذا مافي بانيو  تحت المويه  الساخنه لمدة هيك ١٠ دقايق او ١٥ دقيقه فقط..

- اطلعي من البانيو واستغلي الوقت وسوي  حمام كريم أو ماسك للشعر  يناسبك و غطي شعرك بكاب (قبعه الحمام ) (البونيه) علشان يستفيد الشعر كويس ..

- بعدها نوزع  الصابون المغربي على الجسم والوجه، مع التركيز على المناطق الدهنية في البشرة والأكواع والركب والمناطق الجافه والغامقه ..

- اتركي الصابون على الجسم حوالي هيك ١٠ دقايق مع تدليك . أما بالنسبة للوجه لاتطولين فيه ابدا ابدا  نظفيه في الحال علشان ما يـأذي البشره ولا العيون ..

 

- بعدها اغسلي الجسم بالمويه الساخنه كووووويس   بعدها ابدأي الفرك بالليفة المغربية من تحت القدم صعودا الي فوق وبحركات دائريه وشوي اضغطي يعني شوي ثقلي يدك وقت الفرك بس لا تمخشين جسمك انتبهي .. لحد ماتنتهين لمدة كافيه وخذي وقتك بالفرك وراح تشوفين خيوط وجلد ميت يطيح ومعناها شغلك صح ...

 

- حاولي تحرصين على التركيز على المناطق الخشنة في الجسم مثل الكوعين والركبتين .... في خطوة إضافيه أحب أسويها وهي استخدم مقشر للجسم سواء طبيعي من البيت أو جاهز استخدمه بعد ما اخلص فرك علشان اتاكد لو باقي جلد ميت ما شالته الليفه راح يشيله المقشششر وفعلا هالخطوه حبيتها وصرت اسويها دايم واللي ماتتحمل بشرتها تقدر تكنسلها ..

- اذا فيك  الرؤوس السودا في الوجه فرصتك تزيلينها لان وقتها  تكون البشرة في هالوقت متفتحة المسام فا سهل إزالتها.. أو اضيفي ماسك ترطيب للوجه ..

 

-  اذا خلصنا فرك  تخلطي وتذوبين( الغسول الطمي) ( الطين المغربي ) بموية الورد وعصير نص الليمون لحد مايصير قوامه متماسك وكأنه طين ومديه على كامل الجسم والوجه .. في حال ماتوفر هالنوع في الطين المغربي البودر المتوفر في موقع ايهرب .. وهذا صورته..

في حال ماتوفر الطين المغربي تقدرين تستخدمين أي ماسك وقناع ينفع  للجسم طبيعي تسوينه بالبيت ويناسب نوع بشرتك .. او قناع جاهز من الاسواق ..


 

- بالاخير افركي  القدمين بالحجر الخفاف او فرشاة ومبرد الاقدام اللي عندي من بودي شوب ...طبعا  لانها راح تكون تكون رطبة وتسهل عملية إزالة الخلايا الميتة والتشقاقات والجلد الجاف واذا عندك عكر فاسي او دم الغزال تلاقونه بالعطارين ادهنوا بطن قدمكم فيه يعطيكم لون وردي طبيعي ..

-  الخطوه ماقبل الاخيره تقريبا اشطفي  الجسم بالمويه  و نظفيه كووووويس  من الغسول وكمان الشعر لا تنسينه ، وشطفي جسمك بالصابون العسل او زيت الزيتون أو أي صابونيه عندكم .. انا عندي هذي صابونه طبيعيه بزيت الزيتون رهييييبه ..


 

- الخطوه الاخيره  شطفي الجسم بمويه بارده وطلعي من الشاور وخذي  موية الورد الباردة ومسحي فيه ع جسمك راح تحسين بالانتعاش وتسكر مسام الجلد كووووويس ..


 

- والاهم بعد هذي الخطوات كلها هو الترطيب اذا طلعتي من الحمام وانتوا بكرامه وجففتي جسمك بالمنشفه بشكل بسيط خليه شوي مبلل  وقبل تلبسين ملابسك ادهني جسمك كله وكل المناطق بكريم مرطب عميق الترطيب (زبدة الشيا- زبدة الكاكاو- زيت جونسون او الجل تبعهم - او زيت الارجان الاصلي المغربي - او اي كريم انتي مرتاحه له ومتوفر عندك ) وركزي ع المناطق الجافه الركب الاكواع وما الى ذلك ..

ـــــــــــــــــــــــــــــــــــــــــــــــــــــــ

وبس نكون خلصنا الحمام المغربي ونعيما عليك يا جميله وراح تلاحظين الفرق من أول مره صدقوني بتلمسون جلدكم كأن بلاستيك من النظافه واللمعان والنعومه وكانه مشدود ..

حاولوا تكررونه مره كل شهر هيك وبتعجبكم النتيجه .. الحلو في الحمام مو لازم تلتزمين بشيء معين بس الاهم الصابون والليفه والباقي تقدرين توفرينها من البيت .. وطبعا هذا طريقتي بس المنتجات ممكن تتغير فا لاتلتزمون باللي موجود ..

حاولوا وقت تسوون الحمام المغربي تسوونه وانتوا مسترخين ومروقين وتستخدمون زيوت عطريه بالحمام مثل زيت اللافندر او الورد المحمدي او اي ريحه تحبونها .. او مثلا موسيقى جدا جدا رايقه وهادئه وشغلوا شموووع ولو توفر ورد طبيعي يااسلام ..
  مجمل كلامي دلعوووووا نفسكم  أنكم  تسوون لكم اجواء  جميلة تستمتعون وانتوا تسوونه  .. كمان لاتنسون تاخذون معاكم علبة موية للشرب أو مثلا عصير لان راح تحسون بالعطش وقت استخدام المويه الساخنه راح يفقد الجسم من السوايل ..

اتمنى أصابني التوفيق في كتابة التدوينه وجات بوقتها وتستفيدون منها وأي سؤال انا حاضره وراح اجاوب ع أسئلتكم هنا بخانة التعليقات ..

واذا عجبكم الموضوع تقدرون تنضمون للمدونه وتتابعوني لمواضيع جديده راح تنزل ..

أفوتكم بخير 

ومعسلامه ...