تيراميسو لذيذ و على ضمانتي وكمان ع طريقتي الخاصه ..

يسعد أوقاتكم بكل خير 

وكل عام وانتوا بألف خير وصحه وسلامه

متاخره بس اهم شي لازم اعيد عليكم متابعيني الحلوووين

زمان عن المدونه والتدوين ودايم هالفتره لي مزاج ادون واكتب وانزل لكم حاجات حلوه قبل انشغل شغل صدقي خخخ بس جد انشغلت بالعيد والحوسه ومابعد العيد

فا اليوم قلت لازم انزل لكم هالوصفه ع السريع لاني ماحبيت اطول ع المدونه اكثر ..

فاراح ادخل بالوصفه ع طووووووول علشان تسوونها وتستمتعون بباقي الاجازه ههههه

المهم نحتاج:

قشطه

باودر شوكلت مر

دريم ويب

كراميل

نسكافيه

بسكويت شاي

حليب سايل

وهذا الطبق اللي راح اسوي فيه  حبيته هالمره يكون عميق تغيير عن القوالب المعتاده وتقدرين تسوينها باكواب صغيره تكون شخصيه يعني لكل شخص كوب او طاسه خخ اي شي انتم تسمونه

في البدايه نخلط الحليب السايل مع النسكافيه وبعدها نغمس البسكويت فيه ونصف طبقه او طبقتين منها في الطبق ونرصهم جنب بعض

طبعا هنا انا سويت الخلطه بالخلاط الكهربائي وينفع الجيك بس انا افضل هذي علشان تصير منفوشه زي الكريمه

حطيت الدريم ويب والكراميل والقشطه  وخلطتهم

بعدين ذكرت قلت ليش ما اعطيها نكهه احلى قمت اضفت جبن كيري وصارت تووحفه الطعم

 المهم نرجع لطبقنا بعد الصف من البسكويت نصب من الخليط  ونرش فوقه شوكلت باودر

وبعدها طبقه ثانيه من البسكويت المغمس في النسكافيه ونحاول نغطي كل الطبقه بالبسكويت

 انا هنا سويت ثلاث طبقات بسكوت  عاد انتم وذوقكم كم طبقه تحبون

 بس ضروري اخر طبقه تكون كريمه وتكون مغطيه الطبقه الاخيره كوووووويس

 وهون يجي دور التزيين بس قبلها نجيب منخل ونحط فيه باورد شوكلت ونرش الوجه كووووويس كووويس علشان يصير كانه شامواه خخخخخخخ خوش تشبيه

 وبعدها نبدأ مرحله التزيين انتم وذوقكم انا زينته بحبات شوكلت شيبس

في ناس يزينون باوراق النعناع كا شكل حلو يعطي حيويه للطبق

لقطه اخيره بزعجكم فيه وتراه قسم لذيذ جدا ويذكرنا بطعم ايام الطيبين

وصحيح نسيت لازم ندخله الثلاجه اقل شي اقل شي ساعتين وكل ما طول وصار بارد يكون الذ ويسرسح ع القلب يعني خلوه من اربع ساعات وفوق يكون تمام

وبس واخيرا اذا سويتوه وطبقتوه منشنوني ووروني ابداعاتكم  هذا انستاقرامي   

Reemooh_beauty

في حفظ الله ورعايته واي استفسار وسؤال انا حاظره ومن عيوني

ومع السلامه