يا مسسساء الخيرات والليرات ..
اليوم اشتهيت اتقهوى وآخذ لي جرعة حلى ..
قمت شمرت عن ساعدي الناعمتين ههههههههههه وسويت براوني بالبيت لذيذ وسهل ومكوناته جدا سهل واحسه ينقذ في
الحالات الطارئه لو جاك ضيووووف ..
وجربت هالبراوني من stonewall kitchen
آسمها Triple fudge brawnie mix.
من محتويات الكرتون خليط الكيك وكيس شوكلت شيبس ..
نحتاج لخليط الكيك :
بيضتين حجم كبير.
زبدة مذابه حجم ١٠٠ جم او ما يعادل سبع ملاعق طعام .
نخلطهم في الميكسر كويس وراح يكون الخليط ثقيل ونوزعه في قالب مربع ٨ في ٨ انش ونساوي السطح بشكل مرتب .
بعدها ناخذ الشوكلت شيبس ونخليه في صحن يتحمل الحراره
آما نسوي لها حمام مائي ونذوبه
او ندخله المايكرويف ونذوبه بشرط كل ١٥ ثانيه نفتح الباب ونشيك عليه ونخلطه
بعد مايذوب التشوكلت نوزعه على سطح الخليط بالتساوي وندخله الفرن مسبق التسخين على حرارة ٣٥٠- ٣٢٠ وننتظ عليها وقت من ٢٠ - ٣٠ دقيقه .
نخليها تبرد قبل نقطعها لا تستعجلون عليها لانها راح تكون رطبه شويه وتعذبكم اذا بتشيلون منها ..
هنا بعد ما استوت ... يمييييي
طبعا من داخل القوام هش ورطب ولذيذ ومن فوق سطح البراوني بكون ناشف ومتشقق ومقرمش ..
بعدها تغرفونها بصحن التقديم وتقدمونها بالشكل اللي تحبونه .. في ناس مع ايس كريم وناس تغرها تشوكلت وناس كذا لحالها ..
انا قدمتها لحالها لانها حلاها كفااايه معاها قهوه فرنسية ..
وهذا كوبي مع قطعتي ..
يلا تفضلوا لا تستحووووون ....
طبعا تقيمي لها اعطيها 6 من عشره علشانها سهله وسريعة التحضير وحلوه بس سعرها اعتبرها غاليه ب50 ريال الكرتون
وشوي حلاها زايد لو فيها طعم مراره اكثر اكيد بتكون احلى .. وبس
اخذتها من الدانوب قسم الاشياء المستوردة ...
ليست هناك تعليقات:
إرسال تعليق