مقشر فرانك منزلي .. و وفري فلوسك بجيبك ..

يا مساء الانوار ..

كيفكم انشاء الله مرتاحين وكويسين وكذآ  ...

اليوم جبت لكم طريقة مقشر فرانك سويتها بنفسي بالبيت بدال الخساير

انتوا شايفين هاليومين كيف هابين فيه والكل يستخدمه .. وهو كيس صغير يكفيك لاربع استخدامات تقريبا بس وسعر كلما وهم يتضاربوا فيه

كنت اشوفه ب ١٠٠ ريال والحين ب ١٥٠ مع ان الكيس صغير وكميته قليله لبنسبه لسعره ..


فاقلت يا بنت بلاش خساير ومكوناته سهله والجود من الموجود هههههههههه


وصراحه جربته كذا مره قبل لا اكتبه لكم ونتايجه جدا جدا ممتازه ...

ما يفرق عن الجاهز والاضافات بتكون بكيفك ومما تشتهي النفس هههههه

المهم نبدأ في مكوناته  ..

قهوه عربيه
قهوه تركيه اخذت من سعد الدين
نسكافيه
قرفه
شوكلت باودر
سكر ابيض
سكر بني
زبدة جوز الهند
زبده الشيا
او اي زبدات حابين تضيفونها
نجي للزيوت
زيت زيتون
زيت الافكادو
زيت اللوز
وكمان اي زيوت عطريه حابينها
لافندر او برتقال  او بشر برتقال او ليموووووون   او اي شي اي شي تحبونه ..


نخلط المكونات كلها مع بعض كووووويس  كوووويس لمن تتجانس .. واحفظوها في علبه محكمة الاغلاق وكل ما احتجتي خذي المقدار اللي يكفيك للشاور ..

طريقة استخدامها :
تبللين جسمك في الشاور وتحطين من المقشر ع الجسم وبحركات دائريه تقشرين وتخلينها من ١٠ الى  ١٥ دقيقه وبعدين تغسلينه وتكملين الشاور عادي ..




واكيد لازم بعدها ترطيب الجسم بعد كل مقشر ..

هالمقشر آمن للصغار والحوامل واي احد حاب يستخدمه

طبعا اذا في من المكونات تتحسون منها استغنوا عنه واذآ في بديل له ضيفوه ..

وصدقوني بيعجبكم وبتحبونه ونتايجه ملحوظه انشاء الله ..

وبس مع السلامه
اي سؤال اسدحوه هنا او بالانستا