#سلسلة سواليف بنات ..ريفيو لتجربة تحاميل البوثيل (البوتيل) للمنطقة الحميميه .. ALBOTHYL

السلام عليكم ورحمة الله وبركاته ...
أهلا اخواتي  الغاليات ..

التدوينه راح تكون عن منتج منتشر كثير بين البنات المتزوجات خصوصا والاغلب جربها تقريبا

وهي تحاميل البوثيل ( البوتيل) 

هذي تحاميل تصرف من الصيدليه او الفارمسي بدون وصفه طبيه يعني أي احد يقدر يشتريها وسعرها رخيص جدا مايتعدى ٢٠ ريال.. ايش مكونات هذي التحاميل هي فائدتها تطيهر او تعقيم المنطقه يعني نفسها نفس البيتادين اللي نستخدمه غسول او مطهر للمنطقه بس هذي تجي تحميله جافه وللعلم ان حتى غسول البيتادين المطهر السائل صار منه تحاميل زيه زي هذي التحاميل  ..

ليش جربتها وليش أساسا تكلمت عنها؟؟!!!
لان منتشر بشكل خرافي ان هذي التحاميل تستخدمها المتزوجه للتضييق واللذي منو لللمنطقه!!
وهذا شي غير صحيح غير صحيح فعليا.
هي ممكن تسبب ضيق فعلا بس بسبب الجفاف اللي تسويه بالمنطقه وبسبب الافرازات والسوايل خفت وقلت بسببها .
أما العضلات هي هي ماتقلصت ولا ضوقت  هذي تحتاج اما عمليه او تمارين خاصه .. لا يوجد دواء موضعي يضيق من الناحية العلمية ، والشعور الضيق بسبب التحميله هذا كله مؤقت فقط! فقط وقت العلاج ..  ممكن بتمارين الكيجل  لان فتحة المهبل تتكون اساسا من العضلات ..  وهذه العضلات لاتنشد بتحاميل ولا خزعبلات  بل تنشد بالتمارين ..


شخصيا استخدمتها فقط لتعقيم المنطقه مو علاج والكرتونه تكفي لمدة شهرين
استخدمها لمدة ثلاث ايام بس مو متواصله من اخر يوم دوره الى ثلاث ايام .. يوم ايه ويوم لا ..

  معلومات عن هذه التحاميل:
 تعرف باسم  ALBOTHYL او بالاسم العلمي لها POLICRESULENO وهي تستخدم لعدة فوائد لها حيث تعمل على المحافظة على الوسط الحمضي للمهبل وتحافظ على دفاعات الوسط لمنع نمو البكتيريا ودخولها أو تخللها للمهبل .. أيضا  تعمل على منع تساقط وتقشر الطبقات او الخلايا السطحية 
 وتعمل على تجدد الطبقات السطحية للمهبل وعنق الرحم دائما ..

اما عن استخداماتها فهي تستخدم في حالات :
1-  التهاب او تقرح عنق الرحم او المهبل cervical erosion
2-تستخدم للقضاء على التهابات المهبل خصوصا الترايكوموناس trichomoniasis والفطرية moniliasis
3- يستخدم بعد عملية كي قرحة عنق الرحم post electrocoagulation او بعد اخذ عينة لفحص الانسجة بطريقة الpost biopsy

4- كثرت الافرازات ونزول السوائل من دون وجود أي التهاب او تعقيم المنطقه بعد انتهاء البيريود (الدورة الشهريه ) هي ماتضر بالاستخدام وشخصيا جربتها بعد كل دوره والوضع ممتاز وتعقيم ونظافه ..  يفضل تجنبها لمن تعاني من الجفاف لانها تسبب الجفاف والحكه .. واستبدالها بسوائل للعلاج ..

طبعا التحاميل  تكون على شكل  6اقماع في الكرتونه  وتاخذ لمدة 10ايام في الحالات الشديدة

 او اقل لمدة 5ايام في الحالات الطفيفة وماتكون الايام ورى بعض يوم ايه ويوم لا ومايكون فيه أي علاقه زوجيه (الجماع) في فترة الاستخدام أو العلاج ..


طريقة أستخدامها:
  عن طريق وضعها وانت في وضعية الاستلقاء لضمان دخولها و  وصولها وامتصاصها جيدا .. يفضل استخدام الاداه تباع في الصيدليات لادخالها واذا ماتوفرت ممكن استخدام الاصبع لضمان وصولها للداخل بشرط تكون اليد نظيفه ..
في فترة الاستخدام ممكن تلاحظون نزول بعض الخيوط البيضاء هذي تذل ع فعالية العلاج واستجابته وتجدد القشره او الطبقة الرقيقه لجدار عنق الرحم ..

يفضل حفظ التحاميل بالثلاجة وعند الاستخدام اخراجها مدة ٥ الى عشر دقايق حتى تكون درجة حرارتها متوسطه  وجاهزه للاستخدام ..

بس وصلنا لاخر التدوينه اتمنى استفدتوا منها ولو شيء بسيط وأكرر بخاتمة موضوعي لا تسمعون لكلام الحريم والنسوان اللي تقول تضيق او خرابيط او تضر او تسبب حرقان او او كل هذي خزعبلات حريم لا اقل ولا أكثر .. اتمنى يكون في وعي أكثر بالموضوع هذا واللي عارفه المعلومه من قبل أو الان عرفتها توعي اللي حولها بمعلومات عنها ..

ممكن البعض في بداية الاستخدام تحس بحرقان طفيف وهذا عادي بسبب دخول جسم غريب بالمنطقه فقط..
التحاميل طبيه وتناخذ من الصيدليه اي مكان ثاني ممنوع  ممنوع تستخدمونه لا اللي تقولك شبه أو مره أو ملح أو أو هذي ابتعدي عنها بتاتا .. اي شي غير طبي لا تستخدمونه نصيحه لكم يا اخوات كثير نسبب مشاكل لانفسنا واحنا ماندري وممكن الاثر مايبان بسرعه بس في المستقبل تكون النتيجه سيئه ..
ولا افراط ولا تفريط في الاستخدام لان الافراط في استخدامها تسبب جفاف شديد فا بالتالي التهاب .. خليكم معتدلين ..

واتمنى لكم حياه جميلة وحلوه وأي سؤال أو استفسار اكتبوه في التعليقات وانشاء الله راح اجاوب عليكم ..

وفي أمان الله وحفظه

 معسلامه :)